જમ્મૂ-કાશ્મીર, હિમાચલ પ્રદેશ અને ઉત્તરાખંડમાં હિમવર્ષાનું આગમન થયું છે. આ રાજ્યના પહાડી વિસ્તારમાં હિમવર્ષા શરૂ થઇ ગઇ છે. જેને લઇને લોકોને ભારે પરેશાનીનો સામનો કરવો પડી રહ્યો છે. કુલ્લુ અને સિરમૌર જિલ્લામાં હિમવર્ષા થઈ છે. જેના કારણે પહાડોએ બરફની ચાદર ઓઢી લીધી હોય તેવા દ્રશ્યો સર્જાયા છે.
હિમાચલપ્રદેશના પહાડી વિસ્તારોમાં હિમવર્ષા
કુલ્લુ જિલ્લામાં હિમવર્ષાથી છવાઈ બરફની ચાદર
હિમવર્ષા થતાં તાપમાનનો પારો ગગડ્યો
જમ્મૂ-કાશ્મીરમાં આર્ટીકલ-370 હટાવ્યાં બાદની જાહેરાત બાદ પર્વતીય વિસ્તારમાં બુધવારે પ્રથમ વખત મૌસમની પ્રથમ હિમવર્ષા થઇ છે. કાશ્મીર ઘાટીના પ્રખ્યાત પર્યટન સ્થળ ગુલમર્ગના ઉંચાઇવાળા સ્થાનો પર અંદાજે બે ફૂટ જેટલા બરફના થર જામ્યાં છે.
જમ્મૂ-કાશ્મીરમાં થયેલી તાજી હિમવર્ષાના પગલે શ્રીનગરમાં જનજીવન પર તેની અસર જોવા મળી રહી છે જ્યારે ટેલિફોન સેવા ઠપ થઇ ગઇ છે. જ્યારે બીજી તરફ મૌસમ વિભાગની પ્રથમ હિમવર્ષાના કારણે પર્યટકોમાં ખુશીનો માહોલ જોવા મળી રહ્યો છે.
હવામાન વિભાગે મંગળવારના રોજ કેન્દ્ર શાસિત પ્રદેશ જમ્મૂ-કાશ્મીર તેમજ લદ્દાખમાં 5થી 8 નવેમ્બરની વચ્ચે હિમવર્ષાની આશંકા વ્યક્ત કરી હતી.
હિમાચલ પ્રદેશમાં હિમવર્ષા શરૂ થઇ ગઇ છે. હિમાચલમાં ગુરૂવાર અને શુક્રવારના રોજ સૌથી વધારે વિસ્તારમાં વરસાદ અને હિમવર્ષાની ચેતવણી જારી કરવામાં આવી હતી. ખરાબ હવામાનને લઇને ઇન્વેસ્ટર સમીટ પણ પ્રભાવિત થવાની આશંકા છે.
#WATCH Himachal Pradesh: Solang Nullah in Kullu district near Manali, received snowfall earlier today pic.twitter.com/E5toSGLUnq