જમ્મુ કાશ્મીરના પૂછમાં ભારે બરફવર્ષાની વચ્ચે બીએસએફના જવાનો પેટ્રોલિંગ કરી રહ્યાં હોવાનો એક વીડિયો સામે આવ્યો છે.
પૂછમાં ભારે બરફવર્ષાની વચ્ચે BSFના જવાનો કરી રહ્યા છે પેટ્રોલિંગ
તાજેતરમાં થઈ રહી છે ભારે બરફવર્ષા
ઘટનાનો વીડિયો વાયરલ
દેશની આન,બાન અને શાન માટે આપણા જવાન પોતાની જીંદગી દાવ પર લગાવતા પણ અચકાતા નથી. આપણા જવાનોના અદમ્ય સાહસને કારણે જ દુશ્મન આપણી સામે જોતા પણ ફફડે છે. દેશ પ્રત્યે સમર્પિત જવાનોનો એક વીડિયો સામે આવ્યો છે. આ વીડિયોમાં આપણા બહાદુર જવાનો કેવી કારમી કુદરતી પરિસ્થિતિઓની વચ્ચે પણ સરહદની સુરક્ષા કરી રહ્યાં છે.
આ વીડિયો જમ્મુ કાશ્મીરના પૂછના સવજિયાન વિસ્તારનો
આ વીડિયો જમ્મુ કાશ્મીરના પૂછના સવજિયાન વિસ્તારનો છે. આ વિસ્તારમાં ભારે બરફવર્ષા થઈ છે. નિયંત્રણ રેખાવાળા આ વિસ્તારમાં આપણા જવાન ભારે બરફવર્ષાની વચ્ચે પેટ્રોલિંગ કરી રહ્યાં છે. ભારે બરફવર્ષાને કારણે રસ્તો અત્યંત દુર્ગમ થયો છે તેમ છતાં પણ આપણા જવાન તેની પરવાહ કર્યાં વગર આગળ વધી રહ્યાં છે અને દુશ્મન પર ચાંપતી નજર રાખી રહ્યાં છે.
#WATCH जम्मू-कश्मीर: पुंछ के सवजियान क्षेत्र में भारी बर्फबारी के बीच नियंत्रण रेखा पर बीएसएफ के जवान पेट्रोलिंग करते हुए। pic.twitter.com/8IegT0NUEM
વીડિયોમાં બરફની ચાદર વચ્ચે બીએસએફના જવાનો ચાલી રહ્યાં છે
વીડિયોમાં બરફની ચાદર વચ્ચે બીએસએફના જવાનો ચાલી રહ્યાં છે. તેઓ દરેક ડગલું સાવધાનીપૂર્વક માંડી રહ્યાં છે. તેમના હાથમાં હથિયાર છે અને તેને લઈને તેઓ પેટ્રોલિંગ કરી રહ્યાં છે. આ ઘટનાનો એક જોરદાર વીડિયો વાયરલ થયો છે.