IPLIN
 
  • Home
  • India
  • jammu and kashmir attack on 9th battalion of armed police in bus

શ્રીનગર / BIG BREAKING: જમ્મુ કાશ્મીરમાં સેનાની બસ પર મોટો હુમલો, 2 જવાન શહીદ, 14 ઇજાગ્રસ્ત

Team VTV 06:49 PM, 13 Dec 21 | Updated: 08:04 PM, 13 Dec 21
Follow us
jammu and kashmir attack on 9th battalion of armed police in bus

જમ્મુ કાશ્મીરમાં મોટો આતંકી હુમલો થયો છે. શ્રીનગરમાં સેનાની બસ પર આતંકીઓ હુમલો કરતા 2 જવાન શહીદ થયા છે તથા ઘણા ઘાયલ છે.

  • જમ્મુ કાશ્મીરમાં મોટો આતંકી હુમલો 
  • શ્રીનગરમાં સેનાની બસને નિશાન બનાવી આતંકીઓએ 
  • અત્યાર સુધી 2 જવાન શહીદ
  • જવાનોની બસ પર કર્યો અંધાધૂંધ ગોળીબાર
  • ગોળીબારમાં 14 જવાન ઘાયલ, 5ની સ્થિતિ ગંભીર  

જમ્મુ કાશ્મીરમાં આતંકીઓ આતંક ફેલાવવાની એક પણ તક છોડતા નથી. પ્રધાનમંત્રી મોદીની કાશી મુલાકાત વખતે જ શ્રીનગરમાં એક મોટો આતંકી હુમલો થયો હતો. શ્રીનગરના પંથચોક વિસ્તારમાં સુરક્ષાકર્મીઓથી ભરેલી બસ પર આતંકીઓએ અંધાધૂધ ગોળીબાર કર્યો હતો. આતંકીઓના ગોળીબારમાં સેનાના 2 જવાન શહીદ થયા છે તથા ઘણા જવાનો ઘાયલ થયા છે. હાલ સેનાએ સમગ્ર વિસ્તારને ઘેરી લીધો છે.

9મી બટાલિયન પર આતંકીઓએ કર્યો ગોળીબાર 

જેવનમાંથી જ્યારે જમ્મુ કાશ્મીરની 9મી બટાલિયનથી ભરેલી બસ પસાર થઈ રહી હતી ત્યારે અચાનક આતંકીઓએ હુમલો કરી દીધો જેમાં 10 જવાનો ઘાયલ થયા હતા તથા 3ની હાલત ગંભીર હોવાનું જણાવાઈ રહ્યું હતું. 

તમામ ઈજાગ્રસ્તોને નજીકની હોસ્પિટલમાં દાખલ કરાયા 

તાજેતરની માહિતી મુજબ તમામ ઇજાગ્રસ્તોને સારવાર માટે નજીકની હોસ્પિટલમાં દાખલ કરવામાં આવ્યા છે. સુરક્ષા દળોએ સમગ્ર વિસ્તારને ઘેરી લીધો છે અને સર્ચ ઓપરેશન શરૂ કર્યું છે.આ પહેલા શ્રીનગરના રંગરેથ વિસ્તારમાં થયેલા એન્કાઉન્ટરમાં સુરક્ષા દળોએ બે આતંકીઓને મારી નાખ્યા હતા.  સુરક્ષા દળોને માહિતી મળી હતી કે શ્રીનગરના રંગરેથમાં આતંકવાદીઓ છુપાયા છે આ પછી સર્ચ ઓપરેશન કરવામાં આવ્યું હતું જ્યાં આતંકવાદીઓએ પોતાને ઘેરાયેલા જોયા પછી સુરક્ષા દળો પર ગોળીબાર કર્યો હતો અને જવાબમાં આતંકવાદીઓ માર્યા ગયા હતા.

Terrorist attack Jammu and Kashmir attack કાશ્મીરમાં આતંકી હુમલો જમ્મુ કાશ્મીરમાં આતંકી હુમલો શ્રીનગર આતંકી હુમલો
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ