કાશ્મીરમાં સરકારના મેગા પ્લાન પછી આતંકીઓમાં ફફડાટ છે. જો કે સમગ્ર રાજ્યમાં અજંપાભરી સ્થિતિ છે. કાશ્મીરના સોપોરમાં આજે આતંકીઓ અને સેના વચ્ચે અથડામણ થયું હતું. જેમાં ભારતીય સેનાએ એક આતંકવાદીને ઠાર કર્યો છે.
જ્યારે એક ભારતીય જવાન ઇજાગ્રસ્ત થયાં છે. માલમાપનપોરા નામના વિસ્તારમાં અથડામણ જોવા મળી છે. જો કે કેટલા આતંકીઓ છે તે અંગે કોઇ વિગતો મળી નથી. સેનાને મળેલા એક ઇનપુટના આધારે શોપિયાના પંડુચન વિસ્તારમાં પોલીસ અને સુરક્ષા બળ દ્વારા સંયુક્ત રીતે એક કોર્ડન એન્ડ સર્ચ ઓપરેશ હાથ ધરવામાં આવ્યું.
સર્ચ ઓપરેશન દરમિયાન છુપાયેલા આતંકીઓએ ફાયરિંગ કર્યું. જેમાં સેનાએ જવાબી કાર્યવાહી કરતા ફાયરિંગ કર્યું. જેમાં એક જવાન ઘાયલ થયા હોવાના અહેવાલ પ્રાપ્ત થઇ રહ્યાં છે. અગાઉ શુક્રવારે શોપિયાંમાં જૈશના 3 આતંકીઓને સેનાએ ઘેર્યા હતા.
એક વરિષ્ઠ પોલીસ અધિકારીના જણાવ્યા અનુસાર શંકાસ્પદ સ્થાનને ઘેરી લીધા બાદ સેના અને આતંકીઓ વચ્ચે ફાયરિંગ શરૂ થઇ ગઇ હતી. સુરક્ષા બળે આતંકી છુપાયા હોવાના સમાચાર મળ્યાં બાદ આ વિસ્તારને ઘેરી લીધો હતો.
Baramulla: One Army personnel injured in exchange of fire between terrorists and security forces in Malmapanpora area of Sopore. Operation underway. #JammuAndKashmirpic.twitter.com/QUmL8TEU4U
ઉલ્લેખનીય છે કે આ અગાઉ શોપિયામાં સુરક્ષા બળ અને આતંકીઓ વચ્ચે અથડામણ થઇ હતી. જેમાં સેનાએ એક આતંકવાદીને ઠાર માર્યો હતો. ઠાર મરાયેલા આતંકીની ઓળખ જીનત ઇસ્લામ તરીકે કરવામાં આવી હતી. તે જૈશનો આતંકી હતો.