કાશ્મીર ઘાટીમાં આ વખતે ઠંડીમાં ગરમાવો રહે તેવુ લાગી રહ્યું છે. સુરક્ષા તંત્ર દ્વારા કાશ્મીરમાં 250થી વધારે છૂપાયેલા પાકિસ્તાની આતંકીઓને ઘેરીને મારવાનો માસ્ટર પ્લાન તૈયાર કર્યો હોવાના એક અહેવાલ પ્રાપ્ત થઇ રહ્યાં છે. સૂત્રોને મળતી માહિતી મુજબ ઘાટીમાં આતંકીઓ વિરુધ્ધ કાર્યવાહી માટે રાષ્ટ્રીય સુરક્ષા સલાહકાર (NSA) અને ગૃહમંત્રાલયની સંયુક્ત કવાયત હેઠળ યોજના તૈયાર કરવામાં આવી છે.
કાશ્મીરમાં 250થી વધારે છૂપાયેલા પાકિસ્તાની આતંકીઓ
આતંકીઓ વિરુદ્ધ NSA અને ગૃહમંત્રાલયની સંયુક્ત કવાયત
બરફ પડી ગયા બાદ પાકિસ્તાન માટે ધૂસણખોરી કરવી વધુ મુશ્કેલ
ઘાટીમાં ઝડપથી સામાન્ય પરિસ્થિતિ થઇ રહી હોવાના સંકેત
સુરક્ષા મામલા સાથે જોડાયેલા વરિષ્ઠ અધિકારી મુજબ જમ્મૂ-કાશ્મીર અને લદ્દાખને કેન્દ્ર શાસિત પ્રદેશનો દરજ્જો મળ્યા બાદ ઘાટીમાં ઝડપથી પરિસ્થિતિ સામાન્ય થઇ રહી હોવાના સંકેત મળી રહ્યાં છે. જેમાં ત્યાં યુવાનોએ એક-બે દિવસ પહેલા અર્ધસૈનિક દળની BSFની નિમણૂંક કેમ્પમાં મોટી સંખ્યામાં ભાગ લીધો હતો.
બરફ જામી ગયા બાદ પાકિસ્તાન માટે ઘૂસણખોરી કરવી વધુ મુશ્કેલ બનશે
સૂત્રોના જણાવ્યાં અનુસાર ઘૂસણખોરી હાલ બંધ થઇ ગઇ છે. જ્યારે હિમવર્ષા બાદ બરફની સફેદ ચાદર ચોતરફ છવાય જશે ત્યારબાદ પાકિસ્તાન માટે ધૂસણખોરી કરવી વધુ મુશ્કેલીભર્યું બની જશે.
જો કે સમસ્યા એ છે કે ઘાટીથી દૂરના વિસ્તારોમાં પહેલાથી અંદાજે 250 પાકિસ્તાનીઓ છુપાયાં હોવાના અહેવાલ છે. લોકો અને પંચાયત તેમજ સિવિલ ચૂંટણીમાં જીતેલા ઉમેદવારોમાં આતંકીઓનો ભયનો માહોલ જોવા મળી રહ્યો છે. જેના કારણે દૂરસંચાર વ્યવસ્થા જેવી સુવિધાઓમાં હજી પણ કડક પગલા લેવામાં આવી રહ્યાં છે.
સૂત્રોના જણાવ્યા અનુસાર પાકિસ્તાનમાં ટ્રેનિંગ આતંકી આમ તો કમાન્ડો ટ્રેનિંગ લીધેલા હોય છે. તેઓ ઘાટીના જંગલોમાં લાંબા સમય સુધી રહી શકે છે. પરંતુ બરફ પડ્યાં બાદ તેમના માટે જંગલમાં વધુ સમય રહેવું મુશ્કેલી ભર્યું બની જાય છે.
એવા સમયે તેઓ સુરક્ષિત જગ્યાની શોધમાં ગામડાઓ તરફ આવી જાય છે. તેમના માટે સરહદ પર કરી પરત PoK જવું લગભગ નામૂમિકન હોય છે. જો તેઓ આવું પણ કરવા જાય તો પણ સેના તેમને ઠાર મારી દે. જો કે એક ખાસ સર્ચ ઓપરેશન હેઠળ તેમને ઠાર મારવામાં આવશે.