IPLIN
 

અમદાવાદ બ્લાસ્ટ કેસ / અમે આ ચુકાદાને હાઇકોર્ટમા પડકારીશું અને અક્ષરધામ કેસની જેમ ફાંસી રદ કરાવીશું,જમીયત ઉલમાના અધ્યક્ષે જુઓ શું કહ્યું

Team VTV 08:26 AM, 19 Feb 22 | Updated: 08:27 AM, 19 Feb 22
Follow us
Jamiat Ulema said We will challenge this verdict in the HC and cancel the execution like in the case of Akshardham

જમીયત ઉલમા એ હિંદના અધ્યક્ષ મૌલાના અરશદ મદનીએ નિવેદન આપ્યું હતું કે, સ્પેશીયલ કોર્ટના આ ચુકાદાને અને કાયદાકીય રીતે હાઈકોર્ટમાં પડકારશે  

  • જમીયત ઉલમા એ હિંદના અધ્યક્ષ મૌલાના અરશદ મદનીનું નિવેદન
  • 38 આતંકવાદીઓને ફાંસીથી બચાવવા હાઈકોર્ટ જશે જમીયત ઉલમા એ હિંદ
  • અક્ષરધામ હુમલા કેસમાં પણ ફાંસીની સજા રદ્દ થઇ હતીઃ મદની

જમીયત ઉલમા એ હિંદના અધ્યક્ષ મૌલાના અરશદ મદનીએ અમદાવાદ બોમ્બ વિસ્ફોટ કેસમાં સ્પેશીયલ કોર્ટે આપેલા ચુકાદાને લઈને નારાજગી વ્યક્ત કરતાં જણાવ્યું હતું કે, અમે કોર્ટે આપેલા આ નિર્ણયને હાઈકોર્ટમાં પડકારવાન નિર્ણય કર્યો છે. મૌલાના અરશદ મદનીએ 38 દોષિતોને મોતની સજા અને 11 દોષિતોને આજીવન કારાવાસની સજા અંગે આપેલા પોતાના નિવેદનમાં કહ્યું કે- અમે આ સજા સામે હાઈકોર્ટમાં જશું અને કાયદાકીય લડતને આગળ પણ જાળવી રાખશું. અગાઉ તેમણે કહ્યું હતું કે, અમને વિશ્વાસ છે કે હાઈકોર્ટમાં અમને પૂરો ન્યાય મળશે. અગાઉ પણ અનેક કેસોમાં નીચલી કોર્ટ દ્વારા સજા પામેલા દોષિતોને હાઈકોર્ટમાં કે સુપ્રીમ કોર્ટમાં નિર્દોષ જાહેર કરવામાં આવેલા છે અને તેમને છોડી મુકવામાં આવેલા છે.

અક્ષરધામ હુમલા કેસમાં પણ ફાંસીની સજા રદ થઇ હતી: મદની

મૌલાના અરશદ મદનીએ કહ્યું હતું કે, અક્ષરધામ મંદિર હુમલા કેસનું એક મોટું ઉદાહરણ આપણી પાસે છે જ. તેમા નીચલી કોર્ટે મુફ્તી અબ્દુલ કય્યુમ સહિત 3 લોકોને ફાંસીની સજા આપેલી. 4 વ્યક્તિને આજીવન કારાવાસની સજા આપી હતી. ગુજરાત હાઈકોર્ટે નીચલી અદાલતના ચુકાદાને યથાવત રાખ્યો હતો. પણ, જ્યારે આ કેસ સુપ્રીમ કોર્ટ પહોંચ્યો અને ત્યાં વાતને રજૂ કરવામાં આવી તો સુપ્રીમ કોર્ટે તમામ લોકોને નિર્દોષ છોડી દીધા હતા.

સ્પેશિયલ કોર્ટના ચુકાદા સામે HCમાં અપીલ કરશે

મૌલાના અરશદ મદનીએ કહ્યું કે બોમ્બ વિસ્ફોટ જેવા મોટાભાગના ગંભીર કેસોમાં નીચલી કોર્ટો કઠોર ચુકાદા આપે છે. આરોપીને હાઈકોર્ટ અને સુપ્રીમ કોર્ટમાંથી હંમેશા રાહત મળે છે. અમને આશા છે કે આ કેસમાં પણ આરોપીઓને રાહત મળશે. તેણે કહ્યું કે જો જરૂર પડશે તો અમે સુપ્રીમ કોર્ટમાં જશું.મને આશા છે કે આ વખતે પણ અમદાવાદ વિસ્ફોટ કેસમાં આરોપીઓને સુપ્રીમ કોર્ટથી ફાંસી તથા આજીવન કેદની સજાથી બચાવવા તથા મુક્ત થવામાં સફળતા મળશે.

Ahmedabad blast case High Court special court verdict અમદાવાદ બ્લાસ્ટ કેસ હાઈકોર્ટ ચુકાદો ગુજરાતી ન્યૂઝ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ