વિરોધ / જામિયામાં પોલીસની સામે જ યુવકે કર્યું ફાયરિંગ, ઘટનાનો વીડિયો થયો વાયરલ

• દિલ્હીની જામિયા મીલીયા ઇસ્લામીયા યુનિવર્સિટીથી યોજાઇ રેલી
• યુવકે જાહેરમાં કર્યું ફાયરિંગ 
• વીડિયો થયો વાયરલ 

નોંધનીય છે કે, ગોળી વાગતા વિરોધ કરનાર વિદ્યાર્થી ઘાયલ થયો હતો. આશ્ચર્યજનક વાત એ છે કે સુરક્ષાના આટલા ચુસ્ત બંદોબસ્ત બાદ પણ ગોળી ચલાવવામાં આવી હતી. સમગ્ર રેલીવાળા વિસ્તારમાં પોલીસ બંદોબસ્ત તૈનાત છે, છતાં આરોપી યુવકે ખુલ્લેઆમ ગોળીબાર કર્યો હતો. 

પોલીસ માત્ર મૌન હતી 

ઘટના સ્થળે હાજર લોકોનું કહેવું છે કે આ વ્યક્તિએ ખુલ્લેઆમ હથિયાર લગાવ્યા પરંતુ પોલીસે કંઇ કર્યું નહીં. તે વ્યક્તિ વિરોધકારો તરફ આગળ વધી રહ્યો હતો. આ સમય દરમિયાન, પોલીસ માત્ર મૌન જોતી રહી.

દિલ્હી પોલીસે આપ્યું નિવેદન 

#WATCH A man brandishes gun in Jamia area of Delhi, culprit has been detained by police. More details awaited. pic.twitter.com/rAeLl6iLd4

— ANI (@ANI) January 30, 2020

દક્ષિણ પૂર્વ દિલ્હીના ડીસીપી ચિન્મય બિસ્વાલે કહ્યું કે યુવક ખુલ્લામાં પિસ્તોલ બતાવતો જોવા મળે છે. અમારી પાસેની વિડિઓની તપાસ કરી રહ્યા છીએ. યુવકની પૂછપરછ કરવામાં આવી રહી છે. ઘાયલ યુવાનનું નામ પણ હજી બહાર આવ્યું નથી. આ કેસની તપાસ ચાલી રહી છે. આરોપીની પૂછપરછ કરવામાં આવી રહી છે.

ગોળી ચલાવતી વખતે યુવક બોલતો હતો ભારત માતા કી જય 

પ્રત્યક્ષદર્શીઓના જણાવ્યા અનુસાર, યુવકે ગોળી ચલાવતી વખતે ભારત માતા કી જય, દિલ્હી પોલીસ ઝિંદાબાદ અને વંદે માતરમના નારા લગાવ્યા હતા. પોલીસે બદમાશ યુવકને કસ્ટડીમાં લીધો હતો અને તેની પૂછપરછ કરી રહી છે.