જામનગરની કોન્ટવેન્ટ સ્કૂલની દાદાગીરી સામે આવી છે. પરીક્ષા પૂર્વે 4 સેમેસ્ટરની ફી ભરવા વાલીઓને દબાણ કરાયુ છે. વાલીઓએ ભેગા મળીને ડી.કે.વી સર્કલમાં ફીની પહોંચની હોળી કરી હતી અને વાલીઓએ શાળા સામે વિરોધ પ્રદર્શન કર્યુ હતું. સેન્ટ ઝેવિયર્સ સેન્ટ આન્સ સેન્ટ ફ્રાન્સિસ સહિતની શાળાઓમાં ભણતા બાળકોના વાલીઓએ અનોખો વિરોધ કર્યો હતો.
ઉલ્લેખનીય છે કે આજરોજ અમદાવાદની એશિયા સ્કૂલમાં ફી મામલે વાલીઓએ હોબાળો મચાવ્યો છે. સ્કૂલ દ્વારા રિપોર્ટ કાર્ડ ન અપાતા વાલીઓમાં રોષ ફેલાયો છે. અને ફી નહીં ભરનાર વિધાર્થીઓના રિપોર્ટ કાર્ડ સ્કૂલે અટકાવ્યા છે. અને પુરી ફી ભર્યા બાદ રિપોર્ટ કાર્ડ આપવામાં આવશે તેવુ સ્કૂલ દ્વારા કહેવામાં આવ્યું છે. બીજી તરફ એશિયા સ્કૂલે વાલીઓને કહ્યું કે વાલીઓ વિરોધ ન કરે પણ સ્કૂલને સપોર્ટ કરે. અમે કાયદા પ્રમાણે વર્ષ 2017-18ની ફીની માગ કરી છે.
આપને જણાવી દઇએ કે ફી બાબતે આજે વિજય રૂપાણીએ એક નિવેદન આપતા જણાવેલ કે છેલ્લા ઘણા સમયથી સ્કૂલોના સંચાલકોની દાદાગીરી સામે આવી રહી છે. ત્યારે ફી નિયંત્રણ કમિટી અંગે ગુજરાતના મુખ્યપ્રધાન વિજય રૂપાણીએ નિવેદન આપ્યું છે કે "ફી નિયંત્રણ કાયદામાં કોર્ટના કારણે મોડુ થયું છે" "શાળાઓએ કેટલી ફી લેવી એ સરકાર નક્કી કરશે.
શાળાઓ અત્યારે જે ફી લેશે તે પ્રોવિઝનલ ફી હશે. સંચાલકોએ જે વધારાની ફી લીધી હશે તે સરકાર પરત અપાવશે. હમાણા વાલીઓ થોડી ધીરજ રાખે. રાજય સરકાર દ્વારા કોઇ પ્રોવિઝનલ ફી નક્કી કરાઇ નથી."