દિલ્હીની જામા મસ્જિદમાં એક નોટિસે વિવાદ ઊભો કર્યો છે. છોકરીઓની મસ્જિદમાં એન્ટ્રી પર રોક લગાવતાં નિર્ણયનો ઘણાં લોકો વિરોધ કરી રહ્યાં છે. વિવાદો આગળ વધતાં જોઇને જામા મસ્જિદનાં PROએ સ્પષ્ટતા આપી છે.
જામા મસ્જિદમાં મહિલાઓની એન્ટ્રી પર રોક લગાવતા થયાં વિવાદો
દિલ્હી મહિલા આયોગની અધ્યક્ષએ કર્યા પ્રહાર
PRO અધિકારીએ કરી સ્પષ્ટતા
દિલ્હીની ઐતિહાસિક જામા મસ્જિદ એક નોટિસનાં કારણે વિવાદોમાં આવી રહી છે. મસ્જિદમાં બધી જગ્યાએ નોટિસ લગાવવામાં આવી છે- જામા મસ્જિદમાં છોકરી કે છોકરીઓને એકલા અંદર આવવાની મનાઇ છે. આ નોટિસ જાહેર થતાં જ વિવાદો શરૂ થઇ ગયાં છે. દિલ્હી મહિલા આયોગની અધ્યક્ષ સ્વાતિ માલીવાલે આ મુદે વાંધો વ્યક્ત કર્યો છે. તેમણે ભારપૂર્વક કહ્યું છે કે ભારતમાં તાલિબાની નિર્ણયોને માન્યતા ન આપી શકાય. હવે જામા મસ્જિદનાં PRO અધિકારીએ આ વિવાદ પર સ્પષ્ટતા જાહેર કરી છે.
PRO અધિકારીએ આપ્યો જવાબ
જામા મસ્જિદનાં PRO અધિકારીએ કહ્યું કે મહિલાઓની એન્ટ્રી પર રોક લગાવવામાં આવી નથી. જ્યારે છોકરીઓ એકલી આવે છે ત્યારે ખોટા કામો થાય છે અને વીડિયો બનાવવામાં આવે છે. પરિવાર કે પરિણીત જોડાંની એન્ટ્રી પર રોક લગાવવામાં આવેલ નથી. મસ્જિદને મિટીંગ પોઇન્ટ બનાવવામાં આવે તે સ્વીકાર્ય નથી.
Delhi LG VK Saxena spoke to Shahi Imam Bukhari of Jama Masjid,requested him to rescind the order restricting the entry of women in Jama Masjid. Imam Bukhari has agreed to revoke the order, with the request that visitors respect& maintain sanctity of the Mosque: Raj Niwas sources pic.twitter.com/Pmeg3j4WoN
જનરલ સેક્રેટરીએ કહ્યું કે બોર્ડમાં કોઇક ભૂલ હતી
આ પહેલા જામા મસ્જિદનામ RWAનાં જનરલ સેક્રેટરી મહોમ્મદ સલમાને કહ્યું કે બોર્ડમાં કોઇક ભૂલ હતી. આ મુદામાં અમે શાહી ઇમામથી વાત કરવાનાં છીએ. સમય જતાં આ ભૂલને પણ બરાબર કરી દેવામાં આવશે. હવે શું ભૂલ કે શું ચૂક થઇ તે અંગે મહોમ્મદ સલમાનની તરફથી કોઇ જવાબ આપવામાં આવ્યો નથી. માત્ર એવું કહેવામાં આવ્યું છે કે ભૂલ સુધારી લેવામાં આવશે.
પહેલા આ દલીલ શરૂ થઇ હતી
મસ્જિદ પ્રશાસનનાં નિર્ણયને લઇને મસ્જિદનાં પીઆરઓ સબીઉલ્લાહનું કહેવું છે કે એકલી છોકરીઓ આવે છે અને ખોટી હરકતો કરે છે વીડિયો બનાવે છે. આ બાબતો પર રોક લગાવવા માટે આ નિર્ણય લેવામાં આવ્યો છે. તેમણે કહ્યું કે ફેમિલીની સાથે આવતી મહિલા પર કોઇ રોક લગાવવામાં આવશે નહીં. પરંતુ આ જગ્યાને મીટિંગ પોઇન્ટ સમજવું, ટિકટોક વીડિયો બનાવવો, પાર્ક સમજવું , ડાન્સ કરવું યોગ્ય નથી.
સ્વાતિ માલીવાલે લગાવી ક્લાસ
આ આદેશ પર લોકોએ વિરોધ દર્શાવ્યો તો સ્વાતિ માલીવાલે કહ્યું હતું કે અમે જામા મસ્જિદનાં શાહી ઇમામનાં આ તાલિબાની નિર્ણય વિરુદ્ધ નોટિસ લાગૂ કરી છે. શાહી ઇમામનો આદેશ બંધારણની વિરૂદ્ધમાં છે. તેમને શું લાગે છે કે આ ઇરાન છે કે અહીં મહિલાઓથી ભેદભાવ કરવામાં આવશે અને કોઇ રોકશે નહીં. મસ્જિદ પ્રશાસનની તરફથી લગાવવામાં આવેલ આ રોકને અમે હટાવીને રહેશું.