દિલ્હી / ઐતિહાસિક જામા મસ્જિદમાં છોકરીઓની એન્ટ્રી પર પ્રતિબંધ, શરત પાલન સાથે અપાઈ વિઝિટની છૂટ

• દિલ્હીની જામા મસ્જિદે મહિલાઓ પર લીધો વિવાદીત નિર્ણય
• એકલી છોકરીઓના પ્રવેશ પર મૂક્યો પ્રતિબંધ
• છોકરીઓ પ્રેમી સાથે આવતી હોવાનો આરોપ
• માતાપિતા કે પતિ સાથે આવી શકે મુલાકાતે
• દિલ્હી મહિલા પંચે શાહી ઈમામને આપી નોટીસ 

દિલ્હીની જામા મસ્જિદમાં મહિલાઓના પ્રવેશને લઈને એક મોટો અને વિવાદિત નિર્ણય લેવામાં આવ્યો છે. જામા મસ્જિદ કમિટી દ્વારા બહાર પાડવામાં આવેલા એક નિયમમાં એવું જણાવાયું છે કે હવેથી મસ્જિદમાં મહિલાઓ એકલી નહીં આવી શકે, મસ્જિદમાં આવવા માટે પુરુષની હાજરી ફરજિયાત છે. 

છોકરી છોકરીઓ એકલી નહીં આવી શકે
મસ્જિદ કમિટી તરફથી આદેશ જારી કરીને દરવાજા પર નોટિસ લગાવવામાં આવી છે. એક પંક્તિના આદેશમાં જણાવવામાં આવ્યું છે કે મસ્જિદમાં માત્ર છોકરીઓ કે છોકરીઓના એકલા આવવા પર પ્રતિબંધ છે.

#WATCH| Delhi|Women's entry not banned. When women come alone-improper acts done, videos shot,ban is to stop this. No restrictions on families/married couples.Making it a meeting point inapt for religious places:Sabiullah Khan,Jama Masjid PRO on entry of women coming alone banned pic.twitter.com/HiOebKaiGr

— ANI (@ANI) November 24, 2022

મહિલાઓના પ્રવેશ માટે શું કારણ અપાયું
જામા મસ્જિદના શાહી ઈમામ સૈયદ અહમદ બુખારીએ કહ્યું કે અમને એવી ફરિયાદો મળી છે કે છોકરીઓ તેમના પ્રેમીને લઈને મસ્જિદમાં આવે છે અને અભદ્ર વર્તન કરે છે આથી આવી મહિલાઓની એન્ટ્રી પર પ્રતિબંધ લગાડાયો છે. તેમણે કહ્યું કે જો કોઈ મહિલા જામા મસ્જિદ આવવા માગતી હોય તો તેણે પરિવાર અથવા પતિ સાથે આવવું પડશે. તેમણે કહ્યું કે નમાઝ પઢવા આવનારી મહિલાઓને નહીં રોકવામાં આવે. 

Delhi | Jama Masjid administration issues an order, imposing a ban on the entry of girls/women coming alone or in a group.

PRO Sabiullah Khan says, "There is no restriction on girls/women coming with families, no restriction on married couples either." pic.twitter.com/V7g5OvZWnh

— ANI (@ANI) November 24, 2022

સ્વાતી માલિવાલે શાહી ઈમામને નોટીસ ફટકારી
દિલ્હી મહિલા પંચના અધ્યક્ષ સ્વાતી માલિવાલે જામા મસ્જિદના શાહી ઈમામને નોટીસ ફટકારી છે અને તેમના જવાબની માગણી કરી છે. 

दिल्ली महिला आयोग की अध्यक्ष स्वाति मालीवाल ने जामा मस्जिद के शाही इमाम को हाल ही में जामा मस्जिद में महिलाओं के अकेले या समूह में प्रवेश पर प्रतिबंध लगाने पर संज्ञान लेते हुए नोटिस जारी किया है। pic.twitter.com/DbvD4m1c9c

— ANI_HindiNews (@AHindinews) November 24, 2022

દેશ-વિદેશના હજારો પ્રવાસીઓ આવે છે મસ્જિદની મુલાકાતે
ઉલ્લેખનીય છે કે દિલ્હીની જામા મસ્જિદ ખૂબ ફેમસ છે અને દરરોજ તેની મુલાકાતે હજારો લોકો આવે છે પરંતુ હવેથી મહિલાઓ એકલી નહીં આવી શકે, તેણે આવવું હશે તો સાથે પુરુષ હાજરી હોવી જોઈએ. અત્યાર સુધી તો મહિલાઓ એકલી તેની મુલાકાત લઈ શકતી હતી પરંતુ હવે મસ્જિદ કમિટીએ એકલી મહિલાઓની એન્ટ્રી પર પાબંધી ફરમાવી દીધી છે.