રાજસ્થાનના જાલોરમાં દલિત બાળકના મોત બાદ પરિવારના લોકો અને પોલીસ વચ્ચે ઘર્ષણ થયું હતું.
રાજસ્થાનમાંથી શરમજનક કિસ્સો સામે આવ્યો
દલિત બાળકે હેડ માસ્ટર માટે રાખેલી માટલીમાંથી પાણી પીધું
બાળકને હેડ માસ્ટરે એટલો માર્યો કે, મોત થઈ ગયું
9 વર્ષિય દલિત સ્ટૂડેંસના મોત મામલે ભીમ આર્મીના સમર્થકોએ રવિવારે બપોરે પોલીસ પર પથ્થરમારો કર્યો હતો. ત્યાર બાદ પોલીસે પણ તેમના પર લાઠીચાર્જ કર્યો હતો. લાઠીચાર્જમાં મૃતક બાળકના મામા સહિત 5-6 લોકો ઘાયલ થઈ ગયા હતા. પ્રદર્શનકારીઓએ ગાડીઓ ઊભી રાખીને ગામનો રસ્તો બ્લોક કરી દીધો હતો. ઘાયલો લોકોને પણ હોસ્પિટલ લઈ જવામાં અડચણો આવી હતી. આ બાજૂ મામલો બગડવાની આશંકાએ પ્રશાસને આગામી આદેશ સુધી સવારથી ઈન્ટરનેટ સેવા બંધ કરી દીધી છે.
વળતરની માગ પર અડગ પરિવાર
રવિવારે મૃતક દલિત બાળકની બૉડી ગામમાં પહોંચી હતી. ઘરના આંગણામાં બોડી રાખીને પ્રશાસન સાથે પરિવાર વાત કરી રહ્યો હતો. પરિજનોએ 50 લાખનું વળતર અને પરિવારના એક સભ્યને નોકરી તથા સ્કૂલની માન્યતા રદ કરવાની માગ કરી છે. આ દરમિયાન ભીમ આર્મીના લોકોએ કહ્યું કે, તેને લઈને મુખ્યમંત્રી અત્યારે જ ટ્વિટ કરે, જ્યારે અમે ટ્વિટ જોઈશું તો જ અમે લાશ ઉઠાવીશું. પ્રશાસનિક અધિકારીઓએ કહ્યું કે, તેની એક પ્રોસેસ હોય છે. આ દરમિયાન ત્યાં માહોલ બગડી ગયો. ધક્કા મુકી થઈ. એજ સમયે અમુક લોકોએ પોલીસની ગાડીઓ પર પથ્થરમારો કર્યો. ગાડીઓમાં તોડફોડ થઈ. પોલીસે લાઠીચાર્જ પણ કર્યો. પ્રદર્શનકારીઓને ત્યાંથી ખદેડ્યા. પોલીસે મૃતક પરિવારને છોડીને બધાને ઘરની બહાર નિકળી જવા કહ્યું.
માટલામાંથી પાણી પીવાના કારણે દલિત બાળકને મોત આપ્યું
આ મામલો જાલોરના સાયલા વિસ્તારના સુરાણા ગામમાં આવેલી સરસ્વતી વિદ્યાલયનો છે. હેડ માસ્ટર છૈલ સિંહ માટે અલગ રાખવામા આવેલી પાણીની માટલીમાંથી ત્રીજા ધોરણમાં ભણતા ઈંદ્ર કુમાર મેઘવાળે પાણી પીધું અને જીવ ખોવાનો વારો આવ્યો. આરોપ છે કે, 20 જૂલાઈએ છૈલ સિંહે ઈંદ્રને એટલો માર્યો હતો કે, કાન પાસે ગંભીર ઈજાઓ થઈ હતી. તે રડતા રડતા ઘરે પહોચ્યો અને આખો મામલો પરિવારને જણાવ્યો હતો.
ત્યાર બાદ તેના પિતા અને પરિવારના લોકો તેને હોસ્પિટલમાં લઈ ગયા, બાગોડા, ભીગમાલ, ડીસા, મહેસાણા, ઉદયપુરમાં સારવાર કરાવી બાદ તેને લઈને અમદાવાદ આવ્યા. ત્યાં 24 દિવસ સારવાર કરાવ્યા બાદ 13 ઓગસ્ટ સવારે લગભગ 111 કલાકે ઈંદ્ર કુમારે દમ તોડ્યો હતો. પોલીસ અધિકારી ધ્રુવ પ્રસાદે જણાવ્યું હતું કે, છૈલ સિંહ વિરુદ્ધ હત્યા અને એસસી/એસટી એક્ટ અંતર્ગત ફરિયાદ નોંધી લેવામા આવી છે. તેની ધરપકડ કરવામાં આવી છે.