ભારતમાં ભાગ્યે જ કોઇ વ્યક્તિ એવી હશે જેણે જલેબી ન ખાધી હોય અથવા તેનું નામ ન સાંભળ્યું હોય. ભારત સિવાય તે પાકિસ્તાન, બાંગ્લાદેશ અને ઇરાનની સાથે-સાથે તમામ આરબ રાષ્ટ્રોમાં પણ તે ખુબજ લોકપ્રિય વ્યંજન છે.
આમ તો આ મીઠાઈને ભારતની રાષ્ટ્રીય મીઠાઈ માનવામાં આવે છે. પરંતુ આપને એ વાત જાણીને હેરાન થઇ જશો કે, જલેબી ભારતીય મિઠાઇ ખાસ કરીને ગુજરાતી મિઠાઇ નથી. આ મીઠાઇ વિદેશથી આવી છે પરંતુ તે ભારતના દરેક ખુણે ફેમસ છે.
ખાસ કરીને જલેબી લગ્ન પ્રસંગમાં બનાવવામાં આવે છે. આ સાથે ગુજરાતીઓ તો છાશવારે જલેબી ખાવાનું પસંદ કરતા હોય છે. પરંતુ આ મીઠાઇ વિદેશની ભેટ છે. આમ તો જલેબી નાની હોય છે. પરંતુ મધ્યપ્રદેશના ઇંદોરમાં તો 300 ગ્રામની એક જલેબી બનાવવામાં આવે છે.
આ સાથે જ બજારમાં જલેબી જેવી જ બીજી એક મીઠાઇ પણ મળે છે તેને ઇમરતી કહે છે. બનાવવાની રીત તથા સ્વાદની રીતે જલેબીને મળતી આવે છે. જો કે, ઇમરતીની બનાવટ જરા જુદી હોય છે.
કેટલાક લોકોનું માનવું છે કે, જલેબી મૂળરૂપે અરબી શબ્દ છે અને આ મીઠાઇનું સાચુ નામ છે જલાબિયા, મધ્યકાલીન પુસ્તક' કિતાબ-અલ-તબીક'માં જલાબિયા નામની મીઠાઇનો ઉલ્લેખ મળી આવે છે. જેનો ઉદભવ પ. એશિયામાં થયો હતો.