કચ્છના જખૌના દરિયામાંથી શંકાસ્પદ બોટ સાથે ડ્રગ્સની હેરફેર કરતા પાંચ પાકિસ્તાનીઓને ઝડપી લેવામાં લેવામાં આવ્યા છે. ગુજરાત એટીએસને આ ડ્રગ્સના જથ્થા વિશે ગુપ્તચર માહિતી મળી હતી અને જેના પગલે કોસ્ટગાર્ડ, એસઓજીને સાથે રાખીને ખાસ ઓપરેશન હાથ ધરવામાં આવ્યું હતું.
જખૌનાં દરિયામાંથી ડ્રગ્સનું કન્સાઇન્મેન્ટ ઝડપાયું
ગુજરાતના ડ્રગ્સ માફિયાને હેરોઇનની કરવાની હતી ડિલિવરી
પાકિસ્તાનીઓ ગુજરાતમાં ડ્રગ્સની હેરાફેરી કરવાના હતા
જેમાં સફળતા મળી છે. મધદરિયેથી અંદાજે ૧૭૫ કરોડનું ડ્રગ્સ ઝડપી પાડવામાં આવ્યું છે. એટીએસની ટીમે કયા પ્રકારનું ડ્રગ્સ છે તે જાણવા માટે નાર્કોર્ટિક્સ કંટ્રોલ બ્યૂરો અને એફએસએલની મદદ લીધી છે.
એટીએસની માહિતીના આધારે મોડી રાત્રે કોસ્ટગાર્ડ, એટીએસ તેમજ એસઓજીની ટીમે જખૌના દરિયામાં પાકિસ્તાની બોટમાંથી ૩૫ જેટલાં ડ્રગ્સના પેકેટ ઝડપી પાડ્યાં છે. આ જથ્થાની કિંમત અંદાજે રૂ.૧૭૫ કરોડની આંકવામાં આવી રહી છે.
સૂત્રોના જણાવ્યા અનુસાર આ ડ્રગ્સનો જથ્થો કરાચીથી દિલ્હી પહોંચાડવાનો હતો. પાકિસ્તાની બોટ સાથે પાંચ પાકિસ્તાની ડ્રગ્સ હેરફેર કરતા પાકિસ્તાનીઓની ધરપકડ કરવામાં આવી છે. ગુજરાત ATS, કોસ્ટગાર્ડ અને SOGની સંયુક્ત કાર્યવાહીમાં ડ્રગ્સના મોટા જથ્થાનો પર્દાફાશ થયો છે.
પાકિસ્તાની બોટ દ્વારા નશાકારક દ્રવ્યોની ડિલિવરી કરવામાં આવશે, તેવી બાતમીના આધારે આ સંયુક્ત કાર્યવાહી હાથ ધરવામાં આવી હતી. એટીએસએ અનીસ ઈશા ભાટી, ઈસ્માઈલ મોહંમદ કચ્છી, અશરફ ઉસ્માન કચ્છી, કરીમ અબ્દુલ્લા કચ્છી, અબુ બકર અશરફ સુમરા (તમામ રહે. કરાચી, પાકિસ્તાન)ની ધરપકડ કરી છે. અગાઉ ગત વર્ષે મે મહિનામાં જખૌ દરિયામાંથી ૧૦૦૦ કરોડનું ડ્રગ્સ ઝડપી પાડવામાં આવ્યું હતું.