અરૂણ જેટલી 1999થી 2012 સુધી DDCAના અધ્યક્ષ રહ્યાં હતાં અને તેમણે આ દરમ્યા કેટલાંય ક્રિકેટર્સના કરિયર બનાવવામાં મહત્વની ભૂમિકા ભજવી હતી. જેટલી એક લાંબી રાજકીય ઈનિંગ રમ્યા હતાં પરંતુ ક્રિકેટ પ્રત્યે પોતાના એક ખાસ પ્રેમ માટે પણ તેઓ જાણીતા હતાં.
પૂર્વ નાણામંત્રી અને વરિષ્ઠ ભાજપ નેતા અરૂણ જેટલીનું લાંબી બીમારી બાદ દિલ્હીની AIIMS હોસ્પિટલમાં નિધન થઈ ગયું. જેટલીના નિધન પર સમગ્ર દેશમાં શોકની લહેર છે. મહત્વનું છે કે અરૂણ જેટલી દિલ્હી જિલ્લા ક્રિકેટ સંઘ (DDCA)ના પૂર્વ અધ્યક્ષ અને BCCIના પૂર્વ ઉપાધ્યક્ષ રહી ચૂક્યાં છે. અરૂણ જેટલી 1999થી 2012 સુધી DDCA અધ્યક્ષ રહ્યાં હતાં અને ઘણાં ક્રિકેટર્સની લાઈફ બનાવી હતી.
જેટલી પોતાના ક્રિકેટ પ્રેમને લઈને જાણીતા હતા. કોંગ્રેસના નેતા જયરામ રમેશે અરૂણ જેટલીને દેશના સૌથી બહેતરીન સ્પિનર ગણાવ્યાં. જયરામ રમેશે ટ્વિટ કરીને કહ્યું કે એક વખત મેં કહ્યું હતું કે બેદી + પ્રસ + ચંદ્ર + વેંકટને ભેગા કરો ત્યારે જેટલીના સ્તરનો એક સ્પિનર તૈયાર થાય. એટલે કે બિશન સિંહ બેદી, પ્રસન્ના, ચંદ્રશેખર અને વેંકટ રાઘવન આ ચારેય મળે ત્યારે એક અરૂણ જેટલીના લેવલનો સારો સ્પિન બને છે તેમ તેમનું કહેવું છે.
બીજી બાજુ જેટલીના નિધન પર કોંગ્રેસ નેતા કપિલ સિબ્બલે પણ તેમણે એક જૂના મિત્ર અને એક પ્રિય સહયોગી ગણાવીને શ્રદ્ધાંજલિ આપી. બંને એકબીજાના સારા મિત્ર હતાં.
અરૂણ જેટલીની રાજનીતિમાં જેટલી પકડ હતી તેટલું જ તેમનું યોગદાન દિલ્હી ક્રિકેટમાં પણ રહ્યું. અરૂણ જેટલીએ 13 વર્ષ દિલ્હી ક્રિકેટ એસોસિયેશનના અધ્યક્ષ તરીકે કામ કર્યુ.