ચૂંટણી / રાજ્યસભા ચૂંટણીને લઇને કોંગ્રેસે જાહેર કર્યા ઉમેદવારોના નામ, જુઓ લિસ્ટ

• રાજ્યસભા ચૂંટણી માટે કોંગ્રેસ પાર્ટીએ પોતાના ઉમેદવારોના નામ જાહેર કર્યા
• રાજસ્થાનની બે રાજ્યસભા બેઠક માટે કે.સી.વેણુગોપાલ અને નીરજ ડાંગીને નામ જાહેર કરાયા

જ્યારે ઝારખંડથી શહજાદ અનવર, મધ્યપ્રદેશની બે રાજ્યસભા બેઠકો પર દિગ્વિજય સિંહ, ફુલસિંહ બારૈયા, મહારાષ્ટ્રમાં રાજીવ સાતવ, મેઘાલયથી કેનેડી કાર્નેલીઅસ ખૈયામને રાજ્યસભાના ઉમેદવાર જાહેર કર્યા છે. જ્યારે રાજસ્થાનની બે રાજ્યસભા બેઠક માટે પાર્ટીના રાષ્ટ્રીય મહાસચિવ કે.સી.વેણુગોપાલ અને નીરજ ડાંગીને ઉમેદવાર તરીકે જાહેર કરાયા છે.  

INC COMMUNIQUE

Congress President Smt. Sonia Gandhi has approved the candidature of the following persons to contest the Rajya Sabha elections as Congress candidates pic.twitter.com/RdjZrYvdG9

— INC Sandesh (@INCSandesh) March 12, 2020

રાજસ્થાનમાં રાજ્યસભાની 3 બેઠકો માટે ચૂંટણી યોજાવાની છે. વિધાનસભામાં ધારાસભ્યોના સંખ્યા બળના હિસાબે તેમાંથી બે બેઠકો પર કોંગ્રેસ અને એક બેઠક પર બીજેપીની જીત નક્કી માનવામાં આવી રહી છે. 

કેસી વેણુગોપાલ કેરળથી છે અને કર્ણાટક કોગ્રેસના પ્રભારી પણ છે. તેઓને રાહુલ ગાંધીના નજીકના માનવામાં આવે છે. રાજસ્થાનમાં વિધાનસભા ચૂંટણી બાદ મુખ્યમંત્રી નક્કી કરવા માટે વેણુગોપાલ જ ઓબ્ઝર્વર બનીને આવ્યા હતા. જ્યારે નીરજ ડાંગી યૂથ કોંગ્રેસના પ્રદેશાધ્યક્ષ રહી ચૂક્યા છે. હાલ તેઓ કોંગ્રેસના પ્રદેશ મહાસચિવ છે. ડાંગી રાજસ્થાનના મુખ્યમંત્રી અશોક ગહલોતના નજીકના માનવામાં આવે છે. 

કોંગ્રેસ દ્વારા ગુજરાતના 2 ઉમેદવારોના સત્તાવાર નામ જાહેર કરવામાં આવ્યા છે. જેમાં શક્તિસિંહ ગોહિલ અને ભરતસિંહ સોલંકી ગુજરાત રાજ્યસભાની ચૂંટણીના ઉમેદવાર તરીકે જાહેરાત કરવામાં આવી છે. જ્યારે હરિયાણાના દિપેન્દરસિંહ હુડ્ડાના નામની જાહેરાત પણ કરી છે. અનેક વિખવાદ બાદ ગુજરાત કોંગ્રેસના 2 ઉમેદવારની સત્તાવાર જાહેરાત કરવામાં આવી છે.

Congress releases another list of its candidates for elections to the Rajya Sabha. Shaktisinh Gohil & Bharatsinh Solanki to contest from Gujarat. Deepender Singh Hooda to contest from Haryana. pic.twitter.com/oDpcE6uClK

— ANI (@ANI) March 12, 2020

રાજ્યસભા સાંસદ માટે રાજસ્થાનની 3 બેઠકો પર 26 માર્ચે ચૂંટણી યોજાશે. તેના માટે ઉમેદવારી પત્ર ભરવાની અંતિમ તારીખ 13 માર્ચ છે. જ્યારે 18 માર્ચ સુધીમાં નામ પાછુ લઇ શકાશે. 26 માર્ચે સવારે 9 વાગ્યાથી લઇને સાંજે 4 વાગ્યા સુધી વોટિંગ થશે.