તૌકતે / તૌક્તેએ ગુજરાત બાદ રાજસ્થાન પર વર્તાવ્યો કેર, ભારે વરસાદ, વીજ સપ્લાય ખોરવાયો, ક્યાંક ઝાડ ઉડ્યા તો ક્યાંક...

• વીજળીના પોલ પણ પડી ગયા
• રાજસ્થાનમાં 24 કલાકથી ભારે વરસાદ 
• ઝાડ ઉડી ગયા છે. વીજળી સપ્લાયને અસર પડી 

  વીજળીના પોલ પણ પડી ગયા

લો પ્રેશનની સાથે રાજસ્થાનમાં પ્રવેશ કરનારા તૌક્તેના કારણે રાજ્યના અનેક જિલ્લામાં વરસાદ ચાલુ છે. આનાથી તાપમાનમાં ખાસ ઘટાડો નોંધાયો છે. અનેક જિલ્લામાં ભારે પવનના કારણે સેંકડો વૃક્ષો ધરાશાયી થયા છે. અનેક જગ્યાએ વીજળીના પોલ પણ પડી ગયા છે. જ્યારે પાવર સપ્લાયમાં સમસ્યા સર્જાયી છે.

#CycloneTauktae Heavy rain , gusty winds Pichhola Lake #Udaipur #TauktaeCyclone #CycloneTauktae #CycloneAlert @SkymetWeather @weatherindia pic.twitter.com/r20Ykjn3ku

— Umesh Menaria (@umesh_menaria) May 19, 2021

રાજસ્થાનમાં 24 કલાકથી ભારે વરસાદ 

તૌક્તે વાવાઝોડાની અસરના કારણે રાજસ્થાનમાં 24 કલાકથી ભારે વરસાદ પડ્યો છે. વૃક્ષો ઉખડી ગયા છે તો વીજળી ગુલ થઈ છે અને નક્કી લેકમાં લહેરો ઉઠી છે.   ચક્રવાતી તોફાન તૌક્તેની અસરના કારણે રાજસ્થાનમાં મંગળવારે સવારે શરુ થયેલો વરસાદનો સિલસિલો બુધવારે સવાર સુધી સતત જારી રહ્યો છે. તૌક્તેના કારણે રાજ્યના અનેક જિલ્લામાં ભારે વરસાદ થઈ રહ્યો છે તો ક્યાંક મધ્યમ વરસાદ થઈ રહ્યો છે. તૌક્તેના કારણે ગુજરાત રાજ્ય સાથે અડીને આવેલા જાલોર જિલ્લામાં ગત 12 કલાકમાં ભારે વરસાદ થઈ રહ્યો છે. ત્યારે આની સાથે અડીને આવેલા પાલી જિલ્લામાં વરસાદનો ફ્લો ઘણો ભારે છે. વરસાદના કારણે પ્રદેના અનેક વિસ્તારો સંપૂર્ણ રીતે અસરગ્રસ્ત થયા છે. રાજસ્થાનના અનેક વિસ્તારોમાં ગત રાતે વીજળી ડુલ થઈ જતા અંધાર પટ છવાયો હતો.

 
ઝાડ ઉડી ગયા છે. વીજળી સપ્લાયને અસર પડી 

વાવાઝોડાના કારણે રાજસ્થાનના લગભગ પ્રત્યેક ભાગમાં વરસાદ થઈ રહ્યો છે. જેને કારણે અને વિસ્તારોમાં ઝાડ ઉડી ગયા છે. વીજળી સપ્લાયને અસર પડી છે. અનેક રસ્તાઓ પર વૃક્ષો પડવાથી રોડ બ્લોક થયા છે. જેના કારણે અવરજવરમાં સમસ્યા સર્જાઈ હતી. નદી નાળામાં પાણીની આવક વધી છે.  માઉન્ટના નક્કી લેકમાં લહેરો ઉઠતા લોકો ડરી ગયા હતા. રાજધાની જયપુરમાં રોકાઈ રોકાઈને ભારે વરસાદનો દોર જારી છે.