કોરોના વાયરસના વધતા સંકટની વચ્ચે રાજસ્થાન સરકારે નવી ગાઈડલાઈન આજે 25 એપ્રિલથી લાગૂ કરી છે અને પોલીસ તેનું કડક રીતે પાલન કરાવી રહી છે. જાણો સમગ્ર વિગતો.
રાજસ્થાનમાં વધ્યું કોરોના સંક્રમણ
આજથી નવી ગાઈડલાઈનનું કરાશે પાલન
જાણો 5 કલાક માટે શું રહેશે ખુલ્લું અને શું રહેશે બંધ
રાજસ્થાનમાં વધતા કોરોના સંક્રમણની ચેનને તોડવા માટે શુક્રવારે જાહેર કરાયેલી નવી ગાઈડલાઈન આજે સવારે 5 વાગ્યાથી લાગૂ થઈ છે. જેમાં ખાનગી વાહન સંચાલકો બપોરે 12 વાગ્યા સુધી પેટ્રોલ અને ડીઝલ ભરાવી શકશે. પેટ્રોલ અને ડીઝલ પંપની સેવા સવારે 7-12 વાગ્યા સુધી મળશે. આ સિવાય ફળ, શાક, કરિયાણાની દુકાનો પણ સવારે 5 કલાક માટે એટલે કે સવારે 6-11 વાગ્યા સુધી જ ચાલુ રહેશે. આ સાથે શુક્રવારે સાંજથી સોમવાર સવારે 5 વાગ્યા સુધી વીકેન્ડ કર્ફ્યૂ રહેશે.
એક જિલ્લાથી અન્ય જિલ્લામાં અવર જવર પર પ્રતિબંધ
એટલું જ નહીં 26 એપ્રિલની સાંજે 5 વાગ્યાથી ખાનગી યાત્રી વાહન બસ સિવાય એકથી અન્ય જિલ્લામાં જવા પર પ્રતિબંધ રહેશે. આ સમયે ફક્ત ઈમરજન્સી અને જરૂરી સેવાને ડ્રાઈવરની સાથે 50 ટકા બેઠક ક્ષમતાની પરમિશન મળશે. ખાદ્ય પદાર્થ, શાક, ફળ, દૂધ સહિચ અનેક દુકાનોનો સમય ઘટાડીને સીમિત કરાયો છે. આ સમયે મળતી માહિતિ અનુસાર અન્ય આવન જાવન પર પ્રતિબંધ રહેશે.
આ 4 વિભાગો રહેશે બંધ
વન, વન્ય જીવ વિભાગ, આયુર્વેદ વિભાગ, પશુપાલન વિભાગ, સૂચના અને પ્રોદ્યોગિકી વિભાગ પણ સાંજે 4 વાગ્યા સુધી ખુલ્લા રહેશે. કોરોનાથી જોડાયેલા કાર્યાલયો સિવાય દરેક સરકારી કાર્યક્રમ બંધ રહેશે. આ સાથે અઠવાડિયામાં વીકેન્ડ કર્ફ્યૂ 25 એપ્રિલની સવારે 5 વાગ્યાથી 26 એપ્રિલની સવારે 5 વાગ્યા સુધી રહેશે.
આ રીતે ખુલશે દુકાનો અને મળશે જરૂરી સેવાઓ
દરેક પ્રકારના ખાદ્ય પદાર્થ અને કરિયાણાનો સામાન, ઘંટી સહિતની દુકાનો સોમવારથી શુક્રવારે રોજ સવારે 6-11 વાગ્યા સુધી ચાલુ રહેશે.
પશુચારા સંબંધી દુકાનો સોમવારથી શુક્રવાર સુધી સવારે 6-11 વાગ્યા સુધી ખુલશે.
કૃષિ આદાન વિક્રેતાઓની દુકાનો સોમવાર અને ગુરુવારે સવારે 6-11 સુધી ખુલ્લી રહેશે.
ડેરી અને દૂધની દુકાનો રોજ 2 વાર ખુલશે. સવારે 6-111 અને સાંજે 5-7 વાગ્યા સુધી,
શાક, ફળ, ફૂલની દુકાનો સવારે 6-11 વાગ્યા સુધી કામ કરશે.
શાક અને ફળની લારીઓ, સાઈકલ રિક્શા, ઓટો રિક્શા મોબાઈલ વેન પર વિક્રય પર રોજ સવારે 6-11 સુધી કામ થશે.
બેંક, વીમા અને માઇક્રો ફાઈનાન્સ ઈન્સ્ટીટ્યૂશનની સેવાઓ સવારે 10-2 વાગ્યા સુધી ચાલુ રહેશે.
પ્રોસેસ્ડ ફૂડ, મિઠાઈ, બેકરી, રેસ્ટોરન્ટ્સ બંધ રહેશે અને ફક્ત હોમ ડિલિવરી કરી શકાશે.
નિર્માણ સામગ્રી સંબંધિત દુકાનો ખોલવાની પરમિશન નહીં મળે.