રાજસ્થાનના જયપુરના ચોમુ શહેરના ઉદૈયુપીરા ગામમાં કાનમાં બ્લૂટૂથ હેડફોન ફાટતા એક 28 વર્ષીય યુવકનું મોત થયું છે.રાકેશ નામનો યુવાન સ્પર્ધાત્મક પરીક્ષાની તૈયારી કરતા હતા.
સ્પર્ધાત્મક પરીક્ષાની તૈયારી કરતા યુવાનનું કાનમાં હેડફોન ફાટતા મોત થયું
કાનમાં કલાકો સુધી હેડફોન લગાવીને ફરતા લોકો માટે એક ચેતવણીરુપ કિસ્સો બન્યો છે. ઉદયપુરીયા ગામમાં 28 વર્ષીય યુવાન પ્રતિસ્પર્ધી પરીક્ષાની તૈયારી કરી રહ્યો હતો. તે મોડી રાત સુધી લખવા-વાંચવાનું કામ કરતો હતો.
યુવાન સ્પર્ધાત્મક પરીક્ષાની તૈયારી કરતો હતો
ગઈ રાતે તે કાનમાં બ્લૂટૂથ હેડફોન લગાવીને વાંચી રહ્યો હતો, તેણે તેને ચાર્જ કરવા માટે પ્લગ સાથે જોડી રાખ્યું હતું. ત્યારે બરાબર આ સમયે તેના કાનમાં વિસ્ફોટ થયો હતો અને તેને ગંભીર ઈજા પહોંચતા સારવાર અર્થે હોસ્પિટલ ખસેડવામા આવ્યો હતો જ્યાં સારવાર દરમિયાન તેનું મોત થયું હતું. ડોક્ટરોએ જણાવ્યું છે કે યુવાનનું મોત કદાચ હાર્ટએટેકને કારણે થયું હોઈ શકે.
કાનમાં વિસ્ફોટ થતા યુવાન બેભાન બન્યો
સિદ્ધવિનાયક હોસ્પિટલના ડોક્ટર એલએન રૃડંલાએ જણાવ્યું કે યુવકને બેભાન અવસ્થામાં અહીં લાવવામાં આવ્યો હતો. હોસ્પિટલમાં સારવાર દરમિયાન તેનું મોત થયું હતું. પોલીસના જણાવ્યાનુસાર રાકેશ નામનો યુવાન સ્પર્ધાત્મક પરીક્ષાની તૈયારી કરતો હતો જે મોડી રાત સુધી પરીક્ષાની તૈયારી કરતો હતો. અને તે કાનમાં બ્લૂટૂથ લગાવીને વાંચતો હતો. આ દરમિયાન વિસ્ફોટ થયો હતો. હજુ ગયા વર્ષે જ રાકેશના લગ્ન થયા હતા.