લૉકડાઉન / ખેડૂતોને ફ્રીમાં મળશે આ સાધનો, આ રીતે થશે ફાયદો

• ખેડૂતોને માટે લેવાયો ખાસ નિર્ણય
• CSR પ્રવૃત્તિ અંતર્ગત ખેડૂતોને મળશે મોટી મદદ
• ફ્રીમાં આપવામાં આવશે વાવણી અને લલણીના સાધનો

રાજ્યમાં પ્રથમ વખત સીએસઆર પ્રવૃત્તિ અંતર્ગત ખેડૂતોને સહાય પણ આપવામાં આવશે. લૉકડાઉનને કારણે સર્જાયેલા સંજોગોમાં કૃષિ ઉપકરણો બનાવતી કંપનીઓ દ્વારા આ નિર્ણય લેવામાં આવ્યો છે. હાલમાં કૃષિ ઉપકરણો બનાવતી બે મોટી કંપનીઓ આ માટે આગળ આવી છે. આ કંપનીઓએ તેનો પ્રસ્તાવ મુખ્ય સચિવને મોકલ્યો છે, જેનો સ્વીકાર કરવામાં આવ્યો છે.

ભવિષ્યમાં ખેડૂતોને નિયમિત રીતે મળશે આ લાભ

યોજના મુજબ ટૈફે અને ઇએમથ્રી કંપનીઓ દ્વારા પાકની કાપણી, અને લણણી અને ખેડાણ વગેરેમાં વપરાતા ઉપકરણો વિના મૂલ્યે આપવામાં આવશે. ખાનગી કંપનીઓ માટે તેમના નફાના 2 ટકા સામાજિક કાર્ય પર ખર્ચ કરવાની જોગવાઈ છે. આ હેઠળ પહેલીવાર કૃષિ કાર્યનો પણ સમાવેશ કરવામાં આવ્યો છે. લૉકડાઉનને કારણે ખેડૂતોને કૃષિ કાર્યમાં અનેક સમસ્યાઓનો સામનો કરવો પડી રહ્યો છે. હવે સીએસઆર હેઠળ ઉપકરણોની ઉપલબ્ધતા સાથે તેમની મુશ્કેલીઓ ઓછી થશે. ટૂંક સમયમાં અન્ય કંપનીઓને પણ આ માટેની મંજૂરી આપવામાં આવશે.

જો કે લૉકડાઉનમાં સર્જાયેલા સંજોગોને આધારે આ સુવિધા ખેડૂતો માટે શરૂ કરવામાં આવી રહી છે, પરંતુ ભવિષ્યમાં ખેડૂતોને તેનો લાભ નિયમિત મળતો રહેશે. રાજસ્થાનમાં ખેડૂતો સાથે ધંધો કરતી કંપનીઓ આ માટે તૈયાર થઈ રહી છે.

આ રીતે મળશે યોજનાનો ફાયદો

આ સુવિધા ફક્ત જરૂરીયાતમંદ ખેડૂતો માટે શરૂ કરવામાં આવી રહી છે. નાના અને સીમાંત વર્ગના ખેડુતો, એટલે કે જેની પાસે હેકટરથી ઓછી જમીન છે તેવા ખેડૂતોને તેનો લાભ મળશે. કંપનીઓને ખેડૂતોને મફતમાં કૃષિ ઉપકરણોની સેવાઓ પ્રદાન કરવામાં આવશે અને આ માટે તેમને ભાડુ ચૂકવવું પડશે નહીં.  સાધનસામગ્રીની સેવા મેળવવા માટે, ખેડૂતોને પોર્ટલ પર ફોન કરીને નંબરો આપવામાં આવશે, જેના પર તેઓ પોતાને માટે ઉપકરણ બુક કરાવી શકશે. એકવાર કામ પૂર્ણ થઈ ગયા પછી, સાધનો કંપનીમાં પરત કરવામાં આવશે જેથી અન્ય ખેડૂતોને તેનો લાભ મળી શકે.

કૃષિ ઉપકરણો અને મજૂરો પર નથી કોઈ રોકટોક

આ દિવસોમાં ખેતરોમાં પાકની કાપણી અને લણણી ચાલુ છે, પરંતુ લૉકડાઉનના કારણે ખેડૂતોને પણ ઘણી સમસ્યાઓનો સામનો કરવો પડી રહ્યો છે. લૉકડાઉનના શરૂઆતના દિવસોમાં બહારના રાજ્યોથી આવતા કૃષિ સાધનોની અવરજવરને મંજૂરી નહોતી.

આ સાથે લૉકડાઉનના કારણે ખેતમજૂરો પણ સરળતાથી મળી શકતા ન હતા. જોકે, કૃષિ વિભાગ તરફથી પરિસ્થિતિ સ્પષ્ટ કરતાં જિલ્લા કલેક્ટરે સુચના આપી છે કે કૃષિ ઉપકરણોની ગતિવિધિને લૉકડાઉનમાં સમાવવામાં ન આવે. તેથી તેમની અવરજવરને રોકવામાં ન આવે.