યુપીએસસી 2015 ની ટોપર આઈએએસ ટીના ડાબી અને તેના આઈએએસ પતિ અતહર ખાનના લગ્નનો કરુણ અંજામ આવ્યો છે.
IAS ટીના ડાબી અને IAS અતહર ખાનના લગ્નનો કરુણ અંજામ આવ્યો
જયપુરની ફેમિલી કોર્ટે ટીના-અતહરખાનની છૂટાછેડાની અરજી મંજૂર કરી
તેઓ બન્ને હવે વિધિસર રીતે છૂટા પડી જશે
2018 માં તેમના લગ્ન દેશભરમાં ચર્ચાનું કેન્દ્ર બન્યા હતા.
જયપુરની ફેમિલી કોર્ટે બન્નેની છૂટાછેડાની અરજી મંજૂર કરી લેતા તેઓ હવે વિધિસર રીતે જૂદા પડી જશે. બન્નેએ ડિસેમ્બર 2020 માં પરસ્પર સહમતિથી છૂટાછેડાની અરજી કરી હતી.
બન્ને વચ્ચે કોઈ અણબનાવ હોવાનું ચર્ચાઈ રહ્યું છે. બન્નેએ વર્ષ 2018 માં એક હાઈપ્રોફાઈલ લગ્ન કર્યાં હતા. લગ્નમાં રાજનીતિ, સરકારી બાબુઓ અને ઘણા ફેમસ લોકો મહેમાન બન્યા હતા. તેમના લગ્ન દેશ આખામાં ચર્ચાસ્પદ બન્યા હતા ત્યાં સુધી કે તેમના લગ્નના લવ જેહાદ તરીકે પણ ગણાવાયા હતા.
કાશ્મીરના રહેવાશી અતહરખાને 2015 માં યુપીએસસી સિવિલ સેવા પરીક્ષામાં બીજો નંબર મેળવ્યો હતો. તે જ વર્ષે ટીના ડાબીએ પણ સિવિલ સેવા પરીક્ષામાં ટોપ કર્યું હતું. ટ્રેઈનિંગ દરમિયાન ટીના અને અતહર બન્નેની નજીક આવ્યાં હતા અને તેમની વચ્ચે પ્રેમ પાંગર્યો હતો. ત્યાર બાદ બન્નેએ લગ્ન કરી લીધા હતા.
મીડિયા રિપોર્ટ અનુસાર છેલ્લા થોડા સમયથી તેમની વચ્ચે અણબનાવ ચાલી રહ્યો હતો. તેમની વચ્ચેના સંબંધો પણ ખરાબ થયા હતા. લગ્નજીવન સારુ નહીં ચાલે તેવી ખાતરી થતા બન્નેએ છૂટા પડવાનો નિર્ણય લઈ લીધો હતો.
અતહર સાથે તલાક બાદ ટીનાએ પોસ્ટ કરી કહ્યું તમને જે ખુશી આપે તે કરો
અતહર ખાન સાથે તલાક લીધા બાદ આઈએએસ ટીના ડાબીએ ઈન્સ્ટાગ્રામ પર એક પોસ્ટ કરી હતી જેમાં તેણે લખ્યું કે તમને જે ખુશી આપે તે કરો. ટીના ડાબી અને અતહર ખાન રાજસ્થાન કેડરના અધિકારી છે અને બંને જયપુરમાં તૈનાત હતા. અતહર ખાન હવે જમ્મુ -કાશ્મીર સરકાર સાથે ડેપ્યુટેશન પર છે અને શ્રીનગરમાં તૈનાત છે. દિલ્હીની લેડી શ્રી રામ કોલેજની સ્નાતક ટીના ડાબીએ પ્રતિષ્ઠિત સિવિલ સર્વિસ પરીક્ષામાં પ્રથમ દલિત બન્યા બાદ તે પણ પ્રથમ પ્રયાસમાં જ પ્રકાશમાં આવી હતી.