કોરોનામાં રાજસ્થાન અપિડેમિક અધ્યાદેશનું ઉલ્લંઘન કરવાના કેસમાં રાજસ્થાન પોલિસે તરત જ કાર્યવાહી કરી છે અને રેકોર્ડ નોંધાવનારો દંડ પણ વસૂલ્યો છે. આ સમયે પોલિસે રાજસ્થાન એપિડેમિક અધ્યાદેશનું ઉલ્લંઘન કરનારા લગભગ 5 લાખ લોકોના મેમો ફાડ્યા છે. જ્યારે મોટર વ્હીકલ એક્ટના આધારે લગભગ 8 લાખ વાહનોના મેમો ફાડવામાં આવ્યા છે. પોલિસે આ કાર્યવાહીથી લગભગ 22 કરોડથી વધારે રકમ દંડના રૂપે વસૂલી છે.
રાજસ્થાનમાં કોરોના સમય નિયમોનું થયું ઉલ્લંધન
પોલીસે 8 લાખ વાહનોના ફાડ્યા મેમો
13 લાખ મેમો ફાડીને વસૂલ્યા 22 કરોડ રૂપિયા
પોલીસ મહાનિર્દેશક ભૂપેન્દ્ર સિંહ યાદવે સામાન્ય વ્યક્તિને સ્વાસ્થ્ય વિભાગ દ્વારા જાહેર કરાયેલી ગાઈડલાઈન્સનું પાલન કરવા, માસ્ક પહેરવા, સોશ્યલ ડિસ્ટન્સિંગ રાખવા અને હાથ ધોવા માટે વિશેષ ધ્યાન રાખવાનું કહ્યું છે. તેઓએ કહ્યું કે કોરોના સંક્રમણને રોકવા માટે ખાસ દિશા નિર્દેશોનું પાલન નહીં કરનારાની વિરુદ્ધમાં કડક કાર્યવાહી કરવામાં આવશે.
રાજસ્થાન એપિડેમિક અધ્યાદેશના આધારે 5 લાખ મેમો
પ્રદેશમાં કોરોના સંક્રમણને રોકવા માટે લાગૂ કરાયેલા રાજસ્થાન એપિડેમિક અધ્યાદેશના આધારે અત્યારસુધીમાં 4 લાખ 94 હજારથી વધારે વ્યક્તિઓના મેમો ફાડીને 7 કરોડ 48 લાખ રૂપિયાથી વધારેનો દંડ વસૂલાયો છે. તેમાં સાર્વજનિક સ્થળ પર માસ્ક ન લગાવવા માટે 2 લાખ, માસ્ક વિના સામાન વેચવા માટે 11563 લાખ અને સોશ્યિલ ડિસ્ટન્સિંગનું પાલન ન કરવા માટે 2 લાખ 79 હજાર 520 વ્યક્તિઓના મેમો ફાડવામાં આવ્યા છે.
એમવી એક્ટના આધારે 8 લાખ વાહનોના કપાયા મેમો
કોરોનામાં નક્કી કરેલા નિયમોનું ઉલ્લંઘન કરવાને લઈને 3595 એફઆઈઆર નોંધવામાં આવી છે. અત્યાર સુધીમાં 7733 વ્યક્તિઓની ધરપકડ કરાઈ છે. નિયમ મુજબ 8 લાખા 10 હજાર 10 વાહનનોના મેમો ફાડ્યા છે અને 1 લાખ 61 હજાર 205 વાહનોને જપ્ત કરાયા છે. તેનાથી લગભગ 14 કરોડ 61 લાખ રૂપિયાથી વધારેનો દંડ વસૂલવામાં આવ્યો છે.
સીઆરપી પ્રાવધાનમાં 25 હજારની ધરપકડ
આ સમયે પ્રદેશમાં 25358 વ્યક્તિઓની સીઆરપીસીના નિયમના અનુસાર શાંતિભંગના આરોપમાં તેમની ધરપકડ કરાઈ છે. પોલિસે સોશ્યલ મીડિયાના દુરઉપયોગમાં અત્યાર સુધીમાં 219 કેસ નોંધ્યા છે અને 300 અસામાજિક તત્વોની વિરુદ્ધમાં ફરિયાદ કરીને 228ની ધરપકડ કરી છે.