અશોક ગહેલોત સરકારે કોરોનાથી બચવા માટે સામાન્ય લોકોને રાહત આપવા માટે હેન્ડ સેનેટાઈઝરના ભાવમાં ભારે ઘટાડો કર્યો છે. હેન્ડ સેનેટાઈઝરની કિંમતમાં ઘટાડો કરવાની રાજ્ય સરકારની ઈચ્છા હતી. જેથી લોકોના સરળતાથી સેનેટાઈઝર ઉપલબ્ધ થઈ શકે. આ અંતર્ગત રાજ્ય સરકારે રાજસ્થાન સ્ટેટ ગંગાનગર શુગર મિલ્સ લિમિટેડ(જીએસએમ) તરફથી બજારમાં ઉપલબ્ધ કરાવવામાં આવેલા હેન્ડ સેનેટાઈઝરની કિંમતમાં ઘટાડો કર્યો છે.
હેન્ડ સેનેટાઈઝરની કિંમતમાં ઘટાડો કર્યો છે
... જેથી લોકોના સરળતાથી સેનેટાઈઝર ઉપલબ્ધ થઈ શકે
આનાથી લોકોને ઘણી રાહત મળશે
રાજસ્થાનના સ્ટેટ ગંગાનગર શુગર મિલ્સ લિમિટેડના મેનેજમેન્ટે જણાવ્યું કે નિપ્સ 180 મિલિલીટર હેન્ડ સેનેટાઈઝર હવે 37.50 રુપિયાની જગ્યાએ 25 રુપિયામાં સામાન્ય લોકોને મળશે. ત્યારે નિપ્સ 180 મિલી લીટર વિથ ફ્લિપ કેપ 45 રુપિયાની જગ્યાએ 30 રુપિયામાં મળશે. નિપ્સ 100 મિલી લિટર હવે 32 રુપિયાની જગ્યાએ 25 રુપિયા તથા 200 મિલી લીટર 55 રુપિયાની જગ્યાએ 45 રુપિયામાં સામાન્ય લોકોને ઉપલબ્ધ થશે. આ પ્રકારે નિપ્સ 200 મિલીલીટર હેન્ડ સેનેટાઈઝ વિથ પંપ 91 રુપિયાની જગ્યાએ હવે 70 રુપિયામાં, નિપ્સ 500 મિલી લિટર 112 રુપિયાની જગ્યાએ 80 રુપિયા અને પંપની સાથે 147 રુપિયાની જગ્યાએ 110 રુપિયામાં મળશે. આનાથી લોકોને ઘણી રાહત મળશે.
નિપ્સ 1હજાર મિલી લીટર 203 રુપિયાની જગ્યાએ 135 રુપિયા તથા પંપની સાથે આ 238 રુપિયાથી ઘટીને 165 રુપિયા ઉપલબ્ધ થશે. 2 હજાર મિલી લિટર 465 રુપિયાથી ઘટીને 310 રુપિયામાં તથા 5 હજાર મિલી લિટર હેન્ડ સેનેટાઈઝર 910 રુપિયાની જગ્યાએ હવે 660 રુપિયામાં સામાન્ય લોકોને મળશે. ઉલ્લેખનીય છે કે રાજ્યમાં કોરોનું સંક્રમણ ઝડપથી ફેલાઈ રહ્યું છે ત્યારે અહીં રોજના દોઢ હજાર નવા કોરોનાના કેસ આવે છે.