સુકેશ ચંદ્રશેખર સાથેના સંબંધને લઈને ફરી એક વખત બૉલીવુડ અભિનેત્રી જેક્લીન ફર્નાન્ડીઝની મુશ્કેલીઓ વધી શકે છે.
જેક્લીન એક ચાર્જશીટ દાખલ કરવામાં આવશે
ઇડીએ આ પહેલા પણ જેક્લીન સાથે થોડી પૂછતાછ કરી હતી
સુકેશે જેક્લીનના માતા-પિતા અને ભાઈ-બહેનને પણ ગિફ્ટ આપી છે
દેશના સૌથી મોટાં ઠગમાંથી એક સુકેશ ચંદ્રશેખર સાથેના સંબંધને લઈને ફરી એક વખત બૉલીવુડ અભિનેત્રી જેક્લીન ફર્નાન્ડીઝની મુશ્કેલીઓ ફરી વધી શકે છે. ઇડીના સૂત્રો અનુસાર એવું જાણવા મળ્યું છે કે અભિનેત્રી સામે એક ચાર્જશીટ દાખલ કરવામાં આવી છે, ઇડી એ જેક્લીન સામે મળેલ સબૂતોની સમીક્ષા કરી છે. હવે તેના પર કોર્ટમાં એક ચાર્જશીટ ફાઇલ કરવામાં આવી શકે છે. ઇડીએ આ પહેલા પણ જેક્લીન સાથે થોડી પૂછતાછ કરી હતી. સાથે જ એમની કરોડોની સંપતિને પણ જપ્ત કરી હતી.
કરોડોના ગિફ્ટ આપવાનો કિસ્સો
જો કે આ કેસ તિહાડ જેલમાંથી 200 કરોડની ખંડણી કરવાનો છે. જેમાં જેક્લીનનું નામ પણ શામેલ હતું. અભિનેત્રી પર આરોપ હતો કે સુકેશ પાસે કરોડો રૂપિયાની ગિફ્ટ જેકલીને લીધી હતી સાથે જ ઇડીની આરોપ છે કે સુકેશે જેક્લીનના માતા-પિતા અને ભાઈ-બહેનને પણ ગિફ્ટ આપી છે. આ વાત જેકલીને પણ કબૂલી હતી કે સુકેશ તરફથી તેમણાં પરિવાને ગિફ્ટ્સ મળી હતી.
જો કે ગિફ્ટના પૈસા પહેલા અમેરિકા અને ઓસ્ટ્રેલીયા મોકલવામાં આવ્યા હતા એ પછી મોંઘી કાર અને ડોલરમાં ગિફ્ટ આપવામાં આવી હતી. ઇડી સામે સુકેશે પણ જણાવ્યું હતું કે તેને જેક્લીનને કઈ કઈ ભેટો આપી હતી. સાથે જ એ સમયે જેક્લીન અને સુકેશની એક તસવીર પણ ઘણી વાયરલ થઈ હતી.
જો કે જેક્લીનને આ સમાન પંહોચાડનાર પિંકી ઈરાનીએ પણ ઇડી સામે આ બધી વાતની કબૂલાત કરી હતી. આ વાતને લઈને ઇડી ઘણા લોકોને પૂછતાછ કરી ચૂકી છે. આ કેસની સમીક્ષા પછી સબૂતને ધ્યાનમાં રાખીને હાલ જેક્લીન સામે ચાર્જશીટ જલ્દી જ ફાઇલ થઈ શકે છે.