સુકેશ ચંદ્રશેખર સાથે જોડાયેલ 200 કરોડનાં મની લોન્ડ્રિંગ મામલામાં જેક્લીન ફર્નાન્ડિસને પણ ઇડીએ ચાર્જશીટમાં આરોપી જણાવી છે. સુકેશે જેક્લીનને 8 કરોડની ગિફ્ટ્સ આપેલ છે.
સુકેશ ચંદ્રશેખરે જેક્લીન ફર્નાન્ડિસને આપી હતી 8 કરોડની ગિફ્ટ્સ
ઇડીએ જાહેર કરેલ ચાર્જશીટમાં જેક્લીનને પણ આરોપી જણાવી છે
31 ઓગસ્ટનાં રોજ દિલ્હી કોર્ટ આ ચાર્જશીટ પર વિચાર કરશે
200 કરોડનાં મની લોન્ડ્રિંગનો મામલો
ઇડીએ બુધવારે સુકેશ ચંદ્રશેખર સાથે જોડાયેલ 200 કરોડનાં મની લોન્ડ્રિંગ મામલામાં સપ્લિમેન્ટ્રી ચાર્જશીટ દાખલ કરી હતી. આ ચાર્જશીટમાં બૉલીવુડ અભિનેત્રી જેક્લીન ફર્નાન્ડિસને પણ આરોપી જાહેર કરવામાં આવી છે. દિલ્હી કોર્ટ 31 ઓગસ્ટનાં રોજ ચાર્જશીટ પર વિચાર કરશે. જેક્લીન ફર્નાન્ડિસને ઇડીએ ઘણી વાર સમન્સ પણ જાહેર કર્યા હતા. તેની સાથે ઘણી વખત પૂછપરછ પણ કરવામાં આવી છે.
ગિફ્ટ તો સૌ કોઈને ગમે પણ કોણ જાણતું હતું કે જેક્લીન માટે કીમતી ગિફ્ટ્સ જ મુસીબત બની જશે. મૂળ શ્રીલંકાની અભિનેત્રી જેક્લીન માટે મની લોન્ડ્રિંગ અને ધોકાધડીનાં મામલામાં જેલમાં કેદ સુકેશ ચંદ્રશેખર એક મુશ્કેલી બની ગયા છે.
ઇડીએ જાહેર કરેલ ચાર્જશીટમાં જેક્લીનને પણ આરોપી જણાવી છે
ઇડીએ બુધવારે સુકેશ ચંદ્રશેખર સાથે જોડાયેલ 200 કરોડનાં મની લોન્ડ્રિંગ મામલામાં સપ્લિમેન્ટ્રી ચાર્જશીટ દાખલ કરી છે. આ ચાર્જશીટમાં બૉલીવુડ અભિનેત્રી જેક્લીન ફર્નાન્ડિસને પણ આરોપી જાહેર કરવામાં આવી છે. દિલ્હી કોર્ટ હવે આઅ ચાર્જશીટ પર 31 ઓગસ્ટનાં રોજ વિચાર કરશે.
પહેલીવાર ઇડીએ પોતાની ચાર્જશીટમાં જેક્લીનને પણ આરોપી જણાવી છે. ઇડીએ આઅ પહેલા પણ આ મામલામાં ચાર્જશીટ તથા સપ્લિમેન્ટ્રી ચાર્જશીટ દાખલ કરી હતી પરંતુ તેમાં જેક્લીન ફર્નાન્ડિસનું ણામ આરોપી તરીકે ન હતું. જેકલીને 2009માં બૉલીવુડમાં એન્ટ્રી કરી હતી. આ પહેલા એપ્રિલમાં ઇડીએ પીએમએલએ હેઠળ અસ્થાયી રૂપથી 15 લાખ રૂપિયા કેશ સહિત 7.27 કરોડ રૂપિયા ફંડ અટેચ કર્યા હતા. ઇડીએ આ ફંડને અપરાધ દ્વારા કમાયેલ જણાવ્યા હતા. એટલે કે સુકેશ ચંદ્રશેખર પાસેથી મળેલ ગિફ્ટ જ જેક્લીન માટે મુસીબત બની ગઈ છે.
સુકેશ ચંદ્રશેખરે જેક્લીન ફર્નાન્ડિસને આપી હતી 8 કરોડની ગિફ્ટ્સ
ઇડીએ જણાવ્યું છે કે સુકેશ ચંદ્રશેખરે ગેરવસૂલી સહિત અન્ય અપરાધિક ગતિવિધિઓથી પ્રાપ્ત કરેલ ધનથી જેક્લીન ફર્નાન્ડિસને 5.71 કરોડની ગિફ્ટ્સ આપી હતી. ઇડી અનુસાર, સુકેશે પોતાની પૂર્વ સહયોગી અને કેસમાં આરોપી પિંકી ઈરાનીને આ ગિફ્ટ્સ આપવા માટે કહ્યું હતું.
આઅ ગિફ્ટ્સ ઉપરાંત ચંદ્રશેખરે જેક્લીનનાં પરિવારને 1,72,913 અમેરિકી ડોલર પણ આપ્યા હતા. તપાસમાં જાણ થઈ કે સુકેશ ચંદ્રશેખરે જેક્લીન તરફથી એક લેખકને વેબ સીરિઝની સ્ક્રિપ્ટ લખવા માટે 15 લાખ રૂપિયા આપ્યા હતા.
જેક્લીનને મળી હતી આ ગિફ્ટ્સ
ઇડી અનુસાર, જેક્લીને ખુલાસો કર્યો હતો કે તેને સુકેશે Gucci, Chanelની ત્રણ ડિઝાઇનર બેગ્સ, 2 Gucciનાં જીમવેર આઉટફિટ્સ, Louis Vuittonનાં શૂઝ, ડાયમંડ ઇયરિંગ્સની બે પેર, મલ્ટી કલર્ડ સ્ટોન્સની એક તથા 2 hermesનાં બ્રેસલેટ આપ્યા છે. આ સાથે 51 લાખનો ઘોડો અને 9 લાખની બિલાડીઓ પણ ભેંટ તરીકે અપાઈ હતી. આ ઉપરાંત જેક્લીનને સુકેશે Mini Cooperની કાર પાન્ ગિફ્ટમાં આપી હતી. જોકે, જેકલીને દાવો કર્યો હતો કે તેમણે એ લેવાની ના પાડી દીધી હતી અને પરત કરી દીધી હતી. ઇડીએ જણાવ્યું કે જેક્લીન ગયા વર્ષે ફેબ્રુઆરીથી ઓગસ્ટ સુધી સતત સુકેશનાં સંપર્કમાં રહી છે.