200 કરોડ ખંડણી કેસ / BIG NEWS: બૉલિવુડ એક્ટ્રેસ જેકલીન ફર્નાન્ડીઝ પર EDની મોટી કાર્યવાહી, જાહેર કરી લુકઆઉટ નોટિસ

• 200 કરોડ ખંડણી કેસ મામલે એક્શન
• જેકલીન ફર્નાન્ડીઝની મુશ્કેલી વધી
• EDએ જાહેર કરી વિરૂદ્ધ લુકઆઉટ નોટિસ

ઈડીએ મોકલેલા સમન્સ પ્રમાણે આગામી 10 ડિસેમ્બરના રોજ ઓફિસે હાજર થવાનું કહેવામાં આવ્યું છે. 

200 કરોડની મની લોન્ડ્રિંગ મામલે 7000 પાનાની ચાર્જશીટ 

બોલીવૂડ એક્ટ્રેસ જેકલીન ફર્નાન્ડિસ (Jacqueline Fernandez) સુકેશ ચંદ્રશેખર, તેમની પત્ની એક્ટ્રેસ લીના મારિયા પૉલ અને 6 અન્ય લોકો વિરૂદ્ધ 200 કરોડ મની લૉન્ડ્રીંગ મામલે 7000 પાનાની ચાર્જશીટ દાખલ કરવામાં આવી છે.  મળતી માહિતી અનુસાર, લુકઆઉટ નોટીસને લઇને એક્ટ્રેસને રોકવામાં આવી હતી. 

ગઈકાલે એરપોર્ટ પર જ રોકી દેવાઈ હતી

જોકે કસ્ટડીમાં લેવાયા બાદ જેકલીન ફર્નાન્ડીઝને છોડી દેવાઈ. હવે EDની સામે દિલ્હીમાં રજૂ થશે.પ્રાથમિક માહિતી અનુસાર, પોતાના શો માટે જેકલીન ફર્નાન્ડીઝ વિદેશ જઇ રહી હતી પરંતુ તેમને એરપોર્ટ પર જ રોકી દેવામાં આવી. જેકલીન વિરૂદ્ધ મની લોન્ડ્રિંગ કેસમાં EDની તપાસ ચાલી રહી છે.

સુકેશ ચંદ્રશેખરે કર્યો હતો મોટો ખુલાસો

ચંદ્રશેખરે પૂછપરછ દરમિયાન ખુલાસો કર્યો કે તેમણે એક્ટ્રેસ જેકલીન ફર્નાન્ડીઝને 52 લાખ રૂપિયાનો ઘોડો અને 9 લાખ રૂપિયાની એક ફારસી બીલાડી ભેટ કરી હતી. આ સિવાય ચાર્જશીટમાં એક્ટ્રેસ નોરા ફતેહીના નામનો પણ ઉલ્લેખ કરાયો છે, કારણ કે નોરાને સુકેશ દ્વારા એક મોંઘી કાર ભેટ કરાઈ હતી. જોકે, ઈડી બન્ને એક્ટ્રેસ સાથે પહેલા જ પૂછપરછ કરી ચૂકી છે.

ઉલ્લેખનીય છે કે, સુકેશ પર ખંડણીના 15 કેસ દાખલ છે. આલીશાન જિંદગીના શોખિન સુકેશ બેંગલોર અને ચેન્નીમાં કેટલાક લોકોને કેટલાક કરોડ રૂપિયાનો ચૂનો લગાવી ચૂક્યા છે. ED 200 કરોડ રૂપિયાની ખંડણીના કેસની તપાસ કરી રહી છે. આ મામલે એક્ટ્રેસ જેકલીનનું નામ સુકેશની સાથે જોડાયું હતું. જોકે, એક્ટ્રેસે સુકેશ સાથે પોતાના સંબંધોની વાત ફગાવી હતી. તેવામાં સુકેશ અને જેકલીનનો ફોટો સામે આવ્યો હતો.