બોલિવૂડ / કરોડોની કમાણી કરનાર આ એક્ટ્રેસ પાસે મુંબઈમાં નથી પોતાનું ઘર, પ્રિયંકા ચોપડાનું ઘર લઈ ચૂકવે છે અધધ...ભાડું

• જેકલીન ફર્નાંડિઝ કરોડો કમાવા છતાં પ્રિયંકા ચોપડાના ઘરમાં રહે છે
• આટલા લાખ ભાડું ચૂકવો છે જેકલીન
• કરોડોની કમાણી કરનાર એક્ટ્રેસ પાસે મુંબઈમાં નથી પોતાનું ઘર

બોલિવૂડ સ્ટાર્સની લાઈફસ્ટાઈલ વિશે ફેન્સ હમેશાં જાણવા માટે આતુર રહે છે. ફેન્સ હમેશાં જાણવા માંગે છે કે સ્ટાર્સ કેવા ઘરમમાં રહે છે અને તે અંદરથી કેવું દેખાય છે. જેથી આજે અમે તમને જેકલીન ફર્નાંડિઝના ઘર વિશે જણાવી રહ્યાં છે. 

થોડાં સમય પહેલાં જ જેકલીને પ્રિયંકા ચોપડાનું ઘર ભાડે લીધું છે, જોકે, એવું ઘણું ઓછું જોવા મળે છે કે કોઈ સ્ટાર અન્ય સ્ટારનું ઘર ભાડે રાખે છે. સ્ટાર્સને આવા ઘરનું અધધ ભાડું ચૂકવવું પડે છે. જેકલીન પણ પ્રિયંકાના આ ઘરનું અધધ ભાડું આપી રહી છે. 

જેકલીન આટલું ભાડું ચૂકવે છે

થોડાં મહિના પહેલાં જ જેકલીન ફર્નાન્ડીઝ પ્રિયંકાના મુંબઇવાળા એપાર્ટમેન્ટ 'કર્મયોગ'માં શિફ્ટ થઈ હતી. આ આલીશાન એપાર્ટમેન્ટમાં રહેવા માટે જેકલીન લાખો રૂપિયા ચૂકવી રહી છે. બોલિવૂડ હંગામાના અહેવાલ પ્રમાણે જેક્લીન ફર્નાન્ડીઝ દર મહિને પ્રિયંકા ચોપડાને 6.78 લાખ રૂપિયા ભાડું ચૂકવે છે. જેક્લીને આ એપાર્ટમેન્ટ ત્રણ વર્ષ માટે ભાડે લીધું છે. આ પ્રમાણે ત્રણ વર્ષમાં પ્રિયંકાને 2 કરોડ 44 લાખ 8 હજાર રૂપિયા ભાડા તરીકે ચૂકવવા પડશે. આ એપાર્ટમેન્ટ પ્રાઈમ લોકેશન પર છે અને બધી સુવિધાઓથી લેસ છે. આ જ કારણે આ એપાર્ટમેન્ટનું રેન્ટ આટલું વધારે છે. 

જેસલમેરમાં છે જેક્લીન 

અભિનેત્રી જેક્લીન ફર્નાન્ડીઝ તેની આગામી ફિલ્મ 'બચ્ચન પાંડે' માટે રાજસ્થાનના જેસલમેરમાં શૂટિંગ કરી રહી છે. આ સમય દરમિયાન, તે સ્થાનિક વાનગીઓનો પણ ઘણો આનંદ માણી રહી છે. તે ભારતીય વાનગીઓની મોટી ફેન છે અને દેશના જે ખૂણે તે જાય છે ત્યાંના લોકલ ફૂડ્સ ખાવાનું ચૂકતી નથી.  

આ ફિલ્મોમાં જેક્લીન જોવા મળશે

જેક્લીન ફર્નાન્ડીઝ પોતે પણ એક રેસ્ટોરન્ટની માલિક છે. 'એ ફ્લાઇંગ જેટ'ના પ્રમોશન દરમિયાન જેકલીને સુવર્ણ મંદિરની મુલાકાત લીધી હતી. જ્યારે તે અમૃતસરમાં હતી, ત્યારે તેણે ત્યાંના સ્થાનિક સ્ટ્રીટ ફૂડ અને પરંપરાગત વાનગીઓની મજા લીધી હતી. જેક્લીન ફર્નાન્ડિઝે ફિલ્મ પ્રોજેક્ટ્સી વાત કરીએ તો, આ વર્ષે તે ઘણી જ બિઝી છે. જેક્લીન હાલમાં સૈફ અલી ખાનની સાથે ભૂત પોલીસની શૂટિંગ કરી રહી છે ટૂંક સમયમાં તે રોહિત શેટ્ટીની ફિલ્મ 'સર્કસ'નુ શૂટિંગ શરૂ કરશે.