બોલીવૂડ / પૂછપરછ માટે બોલાવી છતાં ED સામે હાજર ન થઈ જેક્લીન, હવે એજન્સીએ કરી આ કાર્યવાહી 

• જેકલીન ફર્નાન્ડીઝને ત્રીજું સમન્સ મોકલ્યો છતાં હાજર ન થઈ 
• EDએ આ કેસમાં અભિનેત્રી નોરા ફતેહીની પણ પૂછ પરછ કરી છે
• ખંડણીના રેકેટમાં ઘણા મોટા લોકોના નામ આવ્યા

જેકલીન ફર્નાન્ડીઝને શુક્રવારે ત્રીજું સમન્સ મોકલ્યો છતાં હાજર ન થઈ 

200 કરોડની ખંડણીના કેસમાં એન્ફોર્સમેન્ટ ડિરેકટોરેટ (ED) એ બોલીવુડ અભિનેત્રી જેકલીન ફર્નાન્ડીઝને આજે એટલે કે શુક્રવારે ત્રીજો સમન્સ મોકલ્યો છે.આ પહેલા જેકલીનને ઇડી દ્વારા ગુરુવારે બીજો સમન્સ મોકલવામાં આવ્યો હતો. આ સમન અંતર્ગત જેકલીનને પૂછપરછ માટે આજે ED સમક્ષ હાજર થવાનું કહેવામાં આવ્યું હતું, પરંતુ અભિનેત્રીએ તેમ કર્યું ન હતું. આ પછી, ઇડી દ્વારા જેકલિનને ત્રીજું સમન્સ મોકલવામાં આવ્યું હતું અને તેને આવતીકાલે એટલે કે 16 ઓક્ટોબરે દિલ્હીમાં ઇડી ઓફિસમાં પોતાની હાજરી નોંધાવવા માટે કહેવામાં આવ્યું છે.

ખંડણીના રેકેટમાં ઘણા મોટા લોકોના નામ આવ્યા

તમને જણાવી દઈએ કે, આ કેસ કૌભાંડીઓ સુકેશ ચંદ્રશેખર, અભિનેત્રી લીના મારિયા પોલ અને અન્ય લોકો દ્વારા કથિત રીતે ચલાવવામાં આવેલા ખંડણી રેકેટના સંબંધમાં દિલ્હી પોલીસ દ્વારા નોંધાયેલી FIR સાથે સંબંધિત છે. આ ખંડણી રેકેટમાં ઘણા મોટા લોકોના નામ ED સમક્ષ આવ્યા છે. ઇડીએ આ કેસમાં પહેલાથી જ ઘણા લોકોની પૂછપરછ કરી છે અને તેમને વધુ તપાસ માટે ફરીથી સાક્ષી તરીકે બોલાવવામાં આવી રહ્યા છે. જેમાં જેક્લીનનો સમાવેશ થાય છે.

EDએ આ કેસમાં અભિનેત્રી નોરા ફતેહીની પણ પૂછ પરછ કરી છે

તમને જણાવી દઈએ કે જેકલિનની ભૂતકાળમાં પણ ઈડી દ્વારા પૂછપરછ કરવામાં આવી છે.  અગાઉ ઈડી એ વિચાર્યુ હતું કે, જેકલીન આ કેસમાં સંડોવાયેલી છે, પરંતુ જ્યારે ઈડી દ્વારા તેની પૂછપરછ કરવામાં આવી, ત્યારે તેમને ખબર પડી કે જેકલીન પોતે આ ખંડણી રેકેટનો ભોગ છે. જેકલીન જ નહીં, ED એ આ કેસમાં અભિનેત્રી નોરા ફતેહીની પણ પૂછપરછ કરી છે. નોરા ફતેહી ગઈકાલે ED ની ઓફિસ પહોંચી હતી, જ્યાં એજન્સીના અધિકારીઓએ કલાકારોની અભિનેત્રીની પૂછપરછ કરી હતી.

સુકેશ જેલની અંદરથી ખંડણીનું રેકેટ ચલાવતો હતો

એક રિપોર્ટ અનુસાર, દિલ્હીની રોહિણી જેલમાં બંધ સુકેશ ચંદ્રશેખરની 2017 માં તમિલનાડુની આરકે નગર વિધાનસભા બેઠક પર પેટાચૂંટણીમાં ચૂંટણી પંચના અધિકારીઓને લાંચ આપવા બદલ ધરપકડ કરવામાં આવી હતી. સુકેશ પર શશિકલા જૂથ માટે AIADMK ના 'બે પાંદડા' ચૂંટણી પ્રતીક માટે લાંચ આપવાનો આરોપ છે. લાંચની રકમ કથિત રીતે સુકેશે ટીટીવી દિનાકરન પાસેથી લીધી હતી. જ્યારથી તેની ધરપકડ કરવામાં આવી ત્યારથી જ સુકેશ જેલની અંદરથી તેની ખંડણીનું રેકેટ ચલાવતો હતો. ઘણા કલાકારો અને ફિલ્મ નિર્માતાઓ તેના નિશાના પર હતા.