તાજેતરમાં ભારતમાં ઈમરજન્સી ઉપયોગ અધિકૃતતા ઓથોરાઈઝેશન પ્રાપ્ત કરનારી જોનસન એન્ડ જોનસનની સિંગલ ડોઝ વેક્સિન ચાલુ વર્ષે નવેમ્બર અને ડિસેમ્બર સુધીમાં દેશમાં આવી શકે છે. આ વાતની માહિતી સરકારના જ એક અધિકારીએ આપી છે.
કોવેક્સિનની સંખ્યા વધારવાની તૈયારીઓ પર ભાર
જોનસન અને જોનસનની વેક્સિન ડિસેમ્બર સુધી મળવાની આશા
સરકારને જાયડસ કેડિલાની ડીએનએ વેક્સિન મળવાની આશા
આ સિવાય કોવિશિલ્ડ, કોવેક્સિન અને રશિયન વેક્સિન સ્પુતનિક બાદ સરકારને જાયડસ કેડિલાની ડીએનએ વેક્સિન મળવાની આશા છે. શક્યતા વ્યક્ત કરાઈ રહી છે કે આ વેક્સિનને પણ ડ્રગ રેગ્યુલેટર તરફથી મંજૂરી મળી શકે છે.
ઝાયડસ કેડિલા પાસેથી દર મહિને બે કરોડ ડોઝની આશા
સુત્રોએ કહ્યું, અમે ઝાયડસ કેડિલા પાસેથી દર મહિને બે કરોડ ડોઝની આશા રાખી રહ્યાં છીએ. બાયોલોઝિકલ-ઈની આ વેક્સિનના પ્રારંભિક ડોઝમાં એક વખતમાં સાત કરોડ ડોઝ હોવાનું અનુમાન છે. કારણકે સરકારે અગાઉ રૂપિયા ચૂકવી દીધા છે અને ત્યારબાદ કંપની જોખમ પર નિર્માણ કરી રહી છે. તેમણે માહિતી આપી છે કે, કંપની ટૂંક સમયમાં તુલનાત્મક અભ્યાસ માટે અરજી આપશે અને તેનો ડેટા સારો છે. આ સિવાય ઓક્ટોબરમાં જેનોવાની વેક્સિન મળવાની પણ આશા છે.
ભારત બાયોટેકને થયુ હતું નુકસાન
સૂત્રોએ જાણકારી આપી છે કે, હજી પણ પ્રાથમિકતા ભારત બાયોટેકની ક્ષમતા વધારવાની છે. કંપનીના હજી ત્રણ પ્લાન્ટ કામ કરી રહ્યાં છે. તેમણે કહ્યું, ઓગષ્ટમાં અમને કોવેક્સિનના ત્રણ કરોડ ડોઝ મળી રહ્યાં છે, જે સપ્ટેમ્બરમાં વધીને ચાર કરોડ અને ઓક્ટોબરમાં 6-7 કરોડ થશે. તેમણે જણાવ્યું કે, રસીનો પહેલો જથ્થો અસફળ રહ્યાં બાદ ભારત બાયોટેકને નુકસાન થયુ હતું. જ્યારે સીરમ ઈન્સ્ટીટ્યુટ ઓફ ઈન્ડિયા દર મહિને લગભગ 15 કરોડ ડોઝની સપ્લાય કરશે અને તેઓ વેક્સિનની નિકાસ કરવા પણ ઈચ્છુક છે.