મંદી / કોરોના સંકટથી કોર્પોરેટ જગતની પહેલી વિકેટ પડી : 13000 કર્મચારીઓ ધરાવતી કંપનીએ નાદારી નોંધાવી

• કોરોનાને કારણે કંપનીની 500 દુકાનો બંધ થઇ જેમાંથી કેટલીક ફરી ક્યારેય નહીં ખુલે 
• કંપનીનું કંટ્રોલ હવે મુખ્ય લેણદારોના હાથમાં 
• Libby Wadle જ કંપનીના CEO તરીકે રહેશે 

અમેરિકાની પ્રખ્યાત કંપની નાદાર 

કોરોના વાયરસના કારણે વિશ્વ મંદીનો સામનો કરી રહ્યું છે ત્યારે ન્યૂયોર્કની જાણીતી કંપની કંપનીએ નાદારી જાહેર કરવા વર્જીનીયાની ફેડરલ અદાલત સાથે એગ્રીમેન્ટ કર્યો છે. કાપડની આ કંપની એટલી પ્રખ્યાત છે કે અમેરિકાના પૂર્વ રાષ્ટ્રપતિ ઓબામાના પત્ની મિશેલ ઓબામા પણ તેનો ઉપયોગ કરતા હતાં. દેવામાં દબાયેલી આ કંપનીને જે કરાર કર્યો તે અનુસાર લગભગ 82% ઈક્વિટી શેરના બદલામાં 2 બિલિયન ડોલરનું દેવું ચૂકતે કરવામાં આવશે.  

A note to our community, from all of us at J.Crew. pic.twitter.com/87Ol6PMbO3

— J.Crew (@jcrew) May 4, 2020

નોધનીય છે કે કોરોના વાયરસના કારણે વિશ્વભરમાં મંદી બાદ વિશ્વભરમાં 13000 કર્મચારીઓ ધરાવતી આટલી મોટી કોઈ કંપનીએ નાદારી જાહેર કરી દીધી હોય તેવો આ પહેલો કિસ્સો છે. કોરોના વાયરસના કારણે કંપનીની 500 દુકાન બંધ કરી દેવામાં આવી છે જેમાંથી ઘણી બધી ફરીથી ક્યારેય નહી ખુલે. જોકે કંપનીએ જાણકારી નથી આપી કે કેટલી દુકાન હંમેશા માટે બંધ કરવામાં આવી રહી છે. હવે J.Crew કંપનીનું કંટ્રોલ કંપનીના મુખ્ય લેણદારોનાં હાથમાં જતું રહેશે. જેમાં Anchorage Capital Group, GSO Capital Partners અને Davidson Kempner Capital Management તેના મુખ્ય લેણદારો છે. 

ડેનીમ માટે જાણીતી Madewell પણ J.Crew નો જ ભાગ 

J.Crew કંપની ડેનીમના વસ્ત્રો માટે જાણીતી કંપની Madewell ની પણ માલિકી ધરાવે છે, જેના સ્ટોર પણ આ મહામારીના કારણે બંધ કરી દેવામાં આવ્યા છે. અહેવાલ મુજબ કંપનીને 900 મિલિયન ડોલરનું નુકસાન થયો હોવાનું અનુમાન છે. કંપનીએ કહ્યું કે Madewell એ J.Crew કંપનીનો જ એક ભાગ રહેશે  અને Libby Wadle પણ કંપનીના CEO તરીકે પોતાનો કાર્યભાર ચાલુ રાખશે. 

ઓનલાઈન શોપિંગનો ટ્રેન્ડ વધ્યા બાદથી જ કંપની મુશ્કેલીનો સામનો કરી રહી હતી 

J.Crew કંપનીએ વર્ષ 1989માં મેનહટનથી  શરૂઆત કરી હતી અને તે બાદ સમગ્ર અમેરિકામાં આ કંપનીએ પોતાનો પગપેસારો કરી દીધો. જોકે સમયની સાથે આ કંપનીની લોકપ્રિયતામાં ઘટાડો થઇ રહ્યો હતો. કોરોના મહામારી ફેલાય તે પહેલાં જ કંપની કપરી પરિસ્થિતિથી પસાર થઇ રહી હતી. કંપનીની પડતી થવા પાછળનું મુખ્ય કારણ વેચાણ માટે તેની પરંપરાગત રીત છે. બીજી બાજુ લોકોમાં ઓનલાઈન શોપિંગનો ટ્રેન્ડ વધી રહ્યો હતો.