વડોદરામાં હાથીના દાંત વેચતો વધુ એક શખ્સ ઝડપાયો છે. અઢી કરોડની કિંમતના હાથી દાંત વેચવા જતા આરોપીની ધરપકડ કરાઈ છે. આ હાથીદાંત પાંચફૂટ લાંબા છે અને રેર ઓફ ધી રેરેસ્ટ છે. પોલીસે હાથીદાંતની સ્મગલિંગની દિશામાં ચક્રો ગતિમાન કર્યા છે.
વિનાયક પુરોહિતની વાઇલ્ડ લાઇફ ક્રાઇમ બ્યુરોએ કરી ધરપકડ
વન વિભાગને સાથે રાખીને કરાઇ ધરપકડ
જસાપુરાના મકાનમાં ડમી ગ્રાહક મોકલી આરોપીને ઝડપ્યો
આફ્રિકન હાથીના 2 દાંત વેચવા જતા વિનાયક પુરોહિતની વાઈલ્ડ લાઇફ ક્રાઇમ બ્યુરોએ શખ્સની ધરપકડ કરી છે.વન વિભાગને સાથે રાખીને જસાપુરાના મકાનમાં ડમી ગ્રાહક મોકલી આરોપીને ઝડપી પાડવામાં આવ્યો છે. આરોપીને ઝડપીને મુદ્દામાલ કબ્જે કરીને વધુ કાર્યવાહી હાથધરાઈ છે. આ સમગ્ર ઘટનામાં દાણચોરી થતી હોવાનું સામે આવ્યુ છે.
હાથીદાંતનું વજન ઊંચાઇ અને ઉપયોગ
વિનાયક પુરોહિત પાસેથી બે હાથીદાંત વન વિભાગે કબ્જે કર્યા છે. જેમાં એક હાથી દાંતનુ વજન 2.880 કિગ્રા અને તેની ઉંચાઇ 110 સેમી છે. બીજા હાથી દાંતનું વજન 2.766 કિગ્રા અને તેની ઉંચાઇ 110 સેમી છે.હાથીદાંતનો ઉપયોગ મોટા ભાગે ઘરેણા બનાવવામાં મૂર્તિઓ બનાવવામાં અને એન્ટીક તરીકે પણ તેને રાખી મુકવામાં આવે છે. મુંબઇ થી આવેલી વાઇલ્ડ લાઇફ ક્રાઇમ કન્ટ્રોલ બ્યુરોના પીઆઇ બીએસખાતીએ વિનાયકની તલસ્પર્શી તપાસ હાથ ધરી છે.
શું કહે છે આરોપી?
વિનાયક પુરોહિતની ઉઝ્રઝ્રમ્ અને વન વિભાગના અધિકારીઓ દ્વારા પુછપરછ કરતાં તેણે જણાવ્યુ હતુકે મારા દાદા મોહનલાલ પુરોહિત 1965માં આફ્રિકાથી લાવ્યા હતા. 54 વર્ષ જુના આ હાથીદાંતની વનવિભાગમાં નોંધણી કેમ કરાવી નથી તેનો કોઇ પ્રત્યુતર તેણે આપ્યો ન હતો. હમણાં વેચવા કેમ કાઢયા તે વિશે માહિતી ન આપતાં તેના રિમાન્ડ મેળવવા માટે પણ ચક્રો ગતિમાન કરવામાં આવ્યા છે.
રેરઓફ ધી રેરસ્ટ છે આ હાથીદાંત
એશિયાઈ હાથીમાં ફક્ત નર હાથીમાં જ દાત હોય છે જ્યારે આફ્રિકન હાથીમાં નર અને માદા બંને હાથીમાં દાત જોવા મળે છે. હાથી શીડયુલ-૧ નું પ્રાણી હોવાથી હાથી દાતના વેચાણ ઉપર સરકાર દ્વારા સંપૂર્ણ પ્રતિબંધ મુકવામાં આવ્યો છે. આ હાથી દાતને લઈને કોઈ પણ પ્રકારની મંજૂરી વનવિભાગ કે સરકાર દ્વારા આપવામાં નથી આવી. તેને સંપૂર્ણ રીતે નાશ કરી દેવામાં આવે છે. આ હાથી દાતનો શો પીસ બનાવવા માટે ઉપયોગ કરવામાં આવે છે. આ હાથી દાતનું ઈન્ટરનેશનલ માર્કેટમાં સ્મગલિંગ કરવામાં આવે છે. હાથી દાતની સાઈઝ પ્રમાણે તેની વેચાણ કિંમત નક્કિ કરવામાં આવતી હોય છે.