ભારતની નવી ટુરીઝમ પોલીસી જી-20 માં આવેલા દેશોના પ્રતિનિધિઓને પસંદ આવી હોય જેની વર્કિંગ ગ્રુપ દ્વારા મોટાપાયે સરાહના કરવામાં આવી હતી.
G-20 દેશોમાં નવી નીતિને લઈએ પ્રશંસા
સૂચિત પ્રવાસન નીતિને ટૂંક સમયમાં કેબિનેટની મંજૂરી મળી શકે છે
સૂચિત નવી પ્રવાસન નીતિને કેન્દ્ર તરફની લીલીઝંડી બાકી હોવા છતાં G-20 દેશોમાં નવી નીતિને લઈએ પ્રશંસા જોવા મળી રહી છે. જેમાં વિશ્વને ગ્રામીણ અને પુરાતત્વીય પ્રવાસન જેવી પહેલ પર આગળ વધવાનો સંકલ્પ કર્યો છે. ખાસ વાત એ છે કે પ્રવાસન સંબંધિત G-20ની પ્રથમ કાર્યકારી જૂથની બેઠક તાજેતરમાં કચ્છના રણમાં યોજાઈ હતી. જેમાં પ્રવાસન મંત્રાલય દ્વારા વિશ્વ સમક્ષ જે એજન્ડા મૂકવામાં આવ્યા છે તેમાંના મોટાભાગના વિષયોમાં સૂચિત નીતિ સાથે સંકળાયેલા હોવાનું જાણવા મળી રહ્યું છે.
મુખ્યમંત્રી શ્રી ભૂપેન્દ્ર પટેલ #G20India અંતર્ગત કચ્છના ધોરડો ખાતે રાજ્ય-કેન્દ્રના મંત્રીશ્રીઓ, વિશ્વભરના પ્રવાસન ક્ષેત્રના અગ્રણીઓ તથા અન્ય મહાનુભાવોની ઉપસ્થિતિમાં આયોજિત ‘ટુરિઝમ વર્કિંગ ગ્રુપ’ ની પ્રથમ બેઠકમાં સહભાગી થયા હતા તથા TWGના આયોજનને ગુજરાત માટે ગૌરવરૂપ ગણાવ્યું હતું. pic.twitter.com/TcjT1z38Bc
પ્રવાસન સંબંધિત G-20ની ખાસ આગામી બેઠક એપ્રિલમાં સિલિગુડી એટલે કે પશ્ચિમ બંગાળમાં આયોજિત કરવામાં આવી છે. આ મામલે કેન્દ્રીય પર્યટન મંત્રાલયના સચિવ અરવિંદ સિંહે કચ્છના રણમાં પ્રવાસન સંબંધિત જી-20ની પ્રથમ કાર્યકારી જૂથની બેઠકને ખૂબ જ સફળ ગણાવી હતી. અને કહ્યું હતું કે તેઓ પોતાનો એજન્ડા વિશ્વની સામે મજબૂતીથી રાખવામાં સફળ રહ્યા હોવાથી જે દેશોનો જી-20માં સામાવેશ થાય છે તે દેશના તમામ અગેવનોએ પ્રશંસા કરી હતી.
નીતિને મંજૂરીની જંખના
બેઠકમાં G-20 ના લગભગ તમામ સભ્ય દેશો અને વિશ્વના મોટા સંગઠનોના પ્રતિનિધિઓ સાથે આમંત્રિત દેશોના પ્રતિનિધિઓએ હાજરી આપી હતી. જેમાં મધ્યપ્રદેશ અને નાગાલેન્ડ દ્વારા પણ બેઠક દરમિયાન ગ્રામીણ પ્રવાસન પર તેમની ઉત્કૃષ્ટ રચનાઓ રજૂ કરી હતી. વધુમાં આ વેળાએ ગુજરાતે વિશ્વભરના પ્રતિનિધિઓને પુરાતત્વીય પ્રવાસન માટે વિકસાવવામાં આવેલ ધોળાવીરા પુરાતત્વીય સ્થળ પણ બતાવ્યું હતું. તે દરમિયાન પ્રવાસન સચિવે સંકેત આપ્યો છે કે સૂચિત પ્રવાસન નીતિને ટૂંક સમયમાં કેબિનેટની મંજૂરી મળી શકે છે. જોકે હાલ પ્રવાસ મંત્રાલય પાંચ સૂત્ર પર કામ કરે છે. જેમાં ગ્રીન ટુરીઝમ, ડિજિટલ ટેકનોલોજીનો વધુને વધુ ઉપયોગ અને પર્યટક ક્ષેત્ર યુવાનોને સશક્ત બનાવે તે માટે રોજગાર અને ઉદ્યોગની વિકાસ.