મહામારી / કોરોનાને હરાવવા હવે ઘરમાં પણ આ કામ કરવું પડશે, દેશના ટોચના નિષ્ણાંતે આપી મોટી સલાહ

સરકારે લોકોને ઘરમાં માસ્ક પહેરી રાખવાની આપી સલાહ
કોઈ પોઝિટીવ હોય ત્યારે તો ખાસ 
નીતિ આયોગના મેમ્બર ડો.વીકે પૌલની સલાહ 

ડો.વીકે પોલે જણાવ્યું કે  લોકોએ કારણ વગર ઘરની બહાર જવાનું ટાળવું જોઈએ. કોરોના મહામારીમાં લોકોએ કારણ વગર ઘરની બહાર ન જવું જોઈએ. લોકોએ ઘરમાં પણ માસ્ક પહેરી રાખવું જોઈએ. માસ્ક પહેરવું ખૂબબ જરુરી છે. તેમણે કહ્યું કે લોકોએ હાલ પૂરતા મહેમાનોને ઘેર બોલાવવાનું ટાળવું જોઈએ. 

સ્ત્રીઓ માસિક ધર્મ દરમિયાન વેક્સિન લઈ શકે છે

ડો.પોલે જણાવ્યું કે શું સ્ત્રીઓ માસિક ધર્મ દરમિયાન વેક્સિન લઈ શકે છે. તો અમારો જવાબ હા માં છે. માસિક ધર્મ દરમિયાન પણ મહિલાઓ વેક્સિન લઈ શકે છે. માસિક ધર્મને કારણે વેક્સિન લેવાનુ મોકૂફ રાખવું યોગ્ય નથી. આપણે કોવિડ રસીકરણમાં બિલકુલ પણ ઘટાડો ન કરી શકીએ. હકીકતમાં રસીકરણમાં તો ખૂબ વધારો થવો જોઈએ. મહામારી સામે લડવાનો આ એક મહત્વનો ઉપાય છે. 

હાલની મહામારીથી લોકોએ ડરવાની જરુર નથી
પોલે જણાવ્યું કે લોકોએ હાલની મહામારીની ડરવાની જરુર નથી. પરંતુ બિનજરુરી ઘરની બહાર ન નીકળવું જોઈએ. બિનજરુરી દહેશતમાં રહેવાથી નુકશાન થાય છે. દેશમાં કોરોનાના કહેરના કારણે રોજ નવો રેકોર્ડ નોધાય છે. વર્લ્ડોમીટરના જણાવ્યાનુસાર રવિવારે એક દિવસમાં કોરોનાનો રેકોર્ડ 3, 54, 531 નવા મામલા મળ્યા છે. આ કોઈ દેશમાં એક દિવસમાં મળનારા વિશ્વના સૌથી વધારે કેસ છે. આ દરમિયાન રેકોર્ડ બ્રેક 2806 લોકોના મોત થયા છે. આ સંખ્યા દેશમાં એક દિવસમાં મરનારાની સૌથી વધારે છે.

 મૃતકોની સંખ્યા 1 લાખ 95 હજાર 116 પર પહોંચી

દેશમાં સતત છઠ્ઠા દિવસે 3 લાખથી વધારે કેસ આવ્યા છે.  આના કારણે કોરોનાના કુલ કેસની સંખ્યા વધીને 1 કરોડ 73 લાખ 4 હજાર 308 પર પહોંચી ગઈ છે.  જ્યારે મૃતકોની સંખ્યા 1 લાખ 95 હજાર 116 પર પહોંચી ગઈ છે.

એક્ટિવ કેસની સંખ્યા વધીને 16. 2 ટકા થયા

સારવાર લઈ રહેલા દર્દીઓની સંખ્યા 28 લાખને પાર જતી રહી છે. દેશમાં કુલ સારવાર લઈ રહેલાની સંખ્યા 28 લાખ 7 હજાર 333 છે. જે સંક્રમણના કુલ મામલાના 16.2 ટકા છે.

સાજા થનારાનો દર 82.6 ટકા થયો છે

કોરોના સંક્રમિત લોકોના સ્વસ્થ થવાનો દર ઘટીને 82.6 ટકા રહી ગયો છે. આંકડાના જણાવ્યાનુસાર આ બિમારીથી સ્વસ્થ થનારા લોકોની સંખ્યા વધીને 1,42,96,640 થઈ ગઈ છે.  રાષ્ટ્રીય સ્તર પર મૃત્યુ દર ઘટીને 1.13 ટકા થઈ ગયો છે.