દિગ્ગજ ક્રિકેટરે આપ્યું ચોંકાવનારું નિવેદન 'ઈંગ્લેન્ડના મર્દ અને ભારતના બાળકો વચ્ચે મુકાબલો થઈ રહ્યો છે!'

ઇંગ્લેન્ડના પૂર્વ કેપ્ટન નાસિર હુસૈને બીજી ટેસ્ટમાં ટીમ ઇન્ડિયાની હાર પછી ટીમની આલોચના કરતા કહ્યુ કે હવે આ ‘મર્દો અને બાળકો’ વચ્ચેનો મુકાબલો થઈ ગયો છે. ટીમ ઇન્ડિયાએ વરસાદથી પ્રભાવિત બીજી ટેસ્ટમાં એક ઈનિંગ અને 159 રનથી હારનો સામનો કરવો પડ્યો હતો. પ્રથમ ટેસ્ટમાં ઈંગ્લેન્ડે ટીમ ઇન્ડિયાને 31 રનથી હરાવ્યું હતું.

હુસૈને એક ઇન્ટવ્યૂ દરમિયાન વાત કરતા જણાવ્યું કે ‘ઈંગ્લેન્ડ આ સ્થિતિમાં દુનિયાની સર્વશ્રેષ્ઠ ટીમ છે પણ નજર ટીમ ઇન્ડિયા પર રહેશે. તેની ગાડી પૂરી રીતે ટ્રેક પરથી ઉતરી ગઈ છે.’ તેણે કહ્યું કે ‘ટીમ ઇન્ડિયા દુનિયાની નંબર 1 ટીમ છે અને આ સીરિઝ રોમાંચક બનવી જોઈતી હતી. હાલના સમયમાં તો મર્દો અને બાળકો વચ્ચેનો મુકાબલો બની ગયો છે. ટીમ ઇન્ડિયાનો ગ્રાફ ખોટી દિશામાં જઈ રહ્યો છે.’

ટીમ ઇન્ડિયાએ છેલ્લી ત્રણ ઈનિંગ્સમાં 162 107 અને 130 રન પર આઉટ થઈ ગઈ. હુસૈને કહ્યું કે ‘એજબેસ્ટન ટેસ્ટમાં ભારત ઘણા સમય સુધી સ્પર્ધામાં હતું પણ કોહલીની પીઠની ઈજા ચિંતાનો વિષય છે. અશ્વિનને પણ આંગળીમાં ઈજા છે. ટીમ ઇન્ડિયાના મોટાભાગના બેટ્સમેન નિષ્ફળ રહ્યાં છે અને વચ્ચે કોઈ પ્રેક્ટિસ મેચ પણ નથી.’ હુસૈને કહ્યું કે ‘ટીમ ઇન્ડિયાએ સખત આત્મમંથન કરવું પડશે. ડ્રેસિંગ રૂમમાં કેટલાક સારા ક્રિકેટર છે. ડ્રેસિંગ રૂમમાં કેટલાક સારા ક્રિકેટર્સ છે જેમને ટીમ ઇન્ડિયાને સંકટમાંથી બહાર કાઢવું પડશે.’