કેટલાક મહીના પહેલા જ ઇરફાન ખાન (Irfan Khan) ન્યૂરોએન્ડોક્રાઇન ટ્યૂમરનો ઇલાજ કરાવીને ભારત પરત ફર્યા છે. ભારત પાછા ફરતા જ ઇરફાને હિન્દી મીડિયમ (Hindi Medium) ની સિક્વલ 'અંગ્રેજી મીડિયમ' (Angrezi Medium) ની શૂટિંગ શરૂ કરી હતી.
આ ફિલ્મને લઇને કોઇને કોઇ ગોસિપ અથવા તસવીર સામે આવતી જ રહે છે. અને ફિલ્મને જોવા માટે ફેન્સ પણ એક્સાઇટેડ છે. અંગ્રેજી મીડિયમ સાથે જોડાયેલી નવી અપડેટ સામે આવી રહી છે, કે ફિલ્મની શૂટિંગ પૂર્ણ થઇ ચૂક્યું છે.
આ ફિલ્મમાં ઇરફાન ઉપરાંત રાધિકા મદાન (Radhika Madan) અને કરીના કપૂર ખાન (Kareena Kapoor Khan) જેવા કલાકાર છે. જ્યારે રાધિકા ઇરફાનની પુત્રીના કેરેક્ટરમાં નજરે પડશે. જ્યારે કરીના આ ફિલ્મમાં એક પોલીસ ઓફિસરની ભૂમિકામાં દેખાશે.
ફિલ્મની શૂટિગં લગભગ ત્રણ મહીના સુધી ચાલી અને શૂટિંગ ખતમ થતાની સાથે જ અડજાનિયાએ પોતાની કાસ્ટ અને ક્રૂના નામે એક ખાસ મેસેજ લખ્યો છે. હોમીએ ઇરફાન સાથે લીધેલી એક તસવીરને શેર કરતા ફિલ્મની શૂટિંગ ખતમ થવાની જાણકારી આપી છે.
હોમીએ તસવીર શેર કરતા કેપ્શનમાં લખ્યું છે, 'બધુ જ જાણવા છંતા હુ આ ફિલ્મ કરવા માંગતો હતો. મારા માટે એ ઇમોશનલ રોલર કોસ્ટરની જેમ છે. મને ખબર છે કે તમામ માટે આ કેટલું મુશ્કેલ હતું. ઇરફાન ખાન તમે અવિશ્વસનીય છો અને સાથે એક શાનદાર કલાકાર છો. હું આપને ખુબ જ પ્રેમ કરું છું. મારા તમામ ક્રૂ અને કાસ્ટને દિલથી ધન્યવાદ'. વાત કરીએ ફિલ્મ અંગ્રેજી મીડિયમ (Angrezi Medium) ની રિલીઝ ડેટની તો તેનો ખુલાસો હજુ સુધી થયો નથી.