સરકાર પેનલ્ટી વગર ઇન્કમટેક્સ રિટર્ન (આઇટીઆર) ભરવાની આખરી તારીખ લંબાવી શકે છે. દર વર્ષે ઇન્કમટેક્સ રિટર્ન ભરવાની છેલ્લી તારીખ ૩૧ જુલાઇ હોય છે, પરંતુ આ વર્ષે રિટર્ન ભરવાની અંતિમ તારીખ લંબાવી શકે છે
સેન્ટ્રલ બોર્ડ ઓફ ડાયરેક્ટ ટેક્સિસ (સીબીડીટી) દ્વારા ફોર્મ નં. ૧૬ ઈશ્યૂ કરવાની તારીખ ૩૦ જૂનથી ૧૦ જુલાઇ સુધી લંબાવી દેવામાં આવી છે.
હવે ઇન્કમટેક્સ રિટર્ન ભરવાની આખરી તારીખ ઓછામાં ઓછી ૩૧ ઓગસ્ટ, ૨૦૧૯ સુધી લંબાવવામાં આવી શકે છે. સાથે નાણાકીય વર્ષ ૨૦૧૮-૧૯ માટે ફોર્મ-૨૪-Q ફાઇલ કરવાની પણ આખારી તારીખ લંબાવી દેવાઇ છે. સીબીડીટીના જણાવ્યા પ્રમાણે ૪ મે, ૨૦૧૯ના ઓર્ડર મુજબ ટીડીએસ રિટર્ન (ફોર્મ-૨૪-Q)ની આખરી તારીખ ૩૧ મે, ૨૦૧૯થી લંબાવીને ૩૦ જૂન, ૨૦૧૯ કરવામાં આવી છે.
ગઇ સાલ પણ સરકારે પાન-આધાર લિન્કિંગ જેવા કેટલાય કારણસર ઇન્કમટેક્સ રિટર્ન ભરવાની સમયમર્યાદા લંબાવી હતી અને નિર્ધારિત તારીખ બાદ ઇન્કમટેક્સ રિટર્ન ભરનારને દંડ ફટકાર્યો હતો. તેને લઇને વિવિધ પક્ષોએ સરકારને અપીલ પણ કરી હતી.
આ અગાઉ મેના આરંભે ફોર્મ-
૨૪-Qમાં મહત્ત્વના ફેરફાર કરાયા હતા. આ ફેરફાર અનુસાર કંપનીને ફોર્મ-૧૬ના પાર્ટ-બીમાં એક્યુરેટ ટીડીએસ સર્ટિફિકેટની માહિતી આપવી પડશે. ફોર્મ-૨૪-Q સેલરી પર કપાતા ટેક્સનું ક્વાર્ટરલી સ્ટેટમેન્ટ હોય છે. છેલ્લી ઘડીએ ઇન્કમટેક્સ રિટર્ન ભરવાની હોડમાં ઇ-ફાઇલિંગ સાઇટ પણ ઘણી વાર ઠપ થઇ જતી હોય છે અને તેથી રિટર્ન ભરવાની તારીખ લંબાવવામાં આવશે.