ઇનકમ ટેક્સ પ્રક્રિયા પૂરી કરવા માટે ITR ભર્યાં બાદ તમને ઇ-વેરિફેકેશન કરવું અતિ આવશ્યક છે. જો નિશ્ચત સમયગાળામાં ITR ન કરાવ્યું તો તેને ઇનવેલિડ માનવામાં આવશે.
ITR જમા કરવાની છેલ્લી તારીખ 31 ઑક્ટોબર
લેટ પેટર્સે પેનાલ્ટી ભરવી આવશ્યક
31 ડિસેમ્બર સુધી લેટ ફીઝની સાથે ટેક્સ ભરી શકાશે
ઇનકમ ટેક્સ રિટર્ન: જો તમે પણ અત્યાર સુધીમાં ઇનકમ ટેક્સ રિટર્ન ભર્યું નથી તો હવે તમે 31 ડિસેમ્બર સુધી લેટ ફીઝની સાથે ઇનકમ ટેક્સ ભરી શકો છો. જો કે ટેક્સ ભરવાની છેલ્લી તારીખ 31 જૂલાઇ હતી. નાણાકીય વર્ષ 2021-22માં અને એસેસ્મેન્ટ યર 2022-23 માટે ઇનકમ
ટેક્સ રિટર્ન ભરવાની શરૂઆત 15 જૂન,2022થી થઇ હતી જે 31 તારીખના સમાપ્ત થઇ.
સરકારે જાહેર કરી ડેડલાઇન
છેલ્લા 2 વર્ષની જેમ આ વર્ષે પણ ટેક્સ ભરવાની ડેડલાઇન વધારી દેશે તેવી ઉમ્મીદો હતી પણ સરકારે આ વખતે તારીખો એક્સટેન્ડ નથી કરી. ડેડલાઇન પહેલા ટેક્સ ન ભરનારને પેનાલ્ટી લાગશે. બીજી તરફ જે લોકોને ઓડિટની જરૂર હોય છે તેમના માટે ટેક્સ રિટર્ન પેનાલ્ટી ભરવાની છેલ્લી તારીખ 31 ઓક્ટોબર,2022 છે.
31 ઑક્ટોબર પહેલાં ટેક્સ ભરવું અનિવાર્ય
વગર કોઇ લેટ ફીઝ નાણાકીય વર્ષ 2022-23 માટેનું ટેક્સ રીટર્ન ભરવા ઇચ્છતા લોકોએ 31 ઑક્ટોબર સુધીમાં ટેક્સ ભરી લેવું. પાછળથી ટેક્સ ભરવા પર લેટ ફીઝ ચોક્કસપણે લાગશે. લેટ ફીઝ સાથે ટેક્સ ભરવાની છેલ્લી તારીખ 31 ડિસેમ્બર છે. એટલે કે લેટ ટેક્સ ભરતાં લોકોને સેક્શન 234A અને અંડર સેક્શન 234F અંતર્ગત તમને પેનાલ્ટી સાથે ટેક્સ ભરવું પડશે.
ડિપાર્ટમેન્ટે જાહેર કર્યો આ નિયમ
આ સિવાય વિભાગે એક નવો નિયમ પણ જાહેર કર્યો છે. જે અનુસાર 1 ઑગસ્ટ કે તેના પછી પોતાનો ટેક્સ રીટર્ન ફાઇલ કરનાર ટેક્સ પેયરને આ નિયમ લાગુ પડશે. સીબીડીટીના નવા નોટિફિકેશન અનુસાર હવે ઇલેક્ટ્રોનિક રૂપે રિટર્ન ભરવાની તારીખ એ જ માનવામાં આવશે જ્યારે ફોર્મ આઈટીઆર-વી ઇલેક્ટ્રોનિક રૂપથી ડાટા ટ્રાન્સમિટ કરવાની તારીખના 30 દિવસની અંદર જમા કરવામાં આવશે.
ITR ફાઇલ કરવા માટેની અંતિમ તારીખ
વ્યક્તિગત HUF માટે આવકવેરા રિટર્ન ફાઇલ કરવાની છેલ્લી તારીખ 31 જુલાઈ, 2022 હતી. આ સિવાય ઓડિટની જરૂર હોય તેવા લોકો માટે આવકવેરા રિટર્ન ફાઇલ કરવાની છેલ્લી તારીખ 31 ઓક્ટોબર, 2022 જાહેર થઇ છે. અને જેમનો બિઝનેસ છે અને જેમાં TP રિપોર્ટ આવશ્યક છે, તેમના માટે આવકવેરા રિટર્ન ફાઇલ કરવાની છેલ્લી તારીખ 30 નવેમ્બર, 2022 જાહેર કરવામાં આવી છે. એટલે કે, વિભાગે તમામ પ્રકારના આવકવેરા ભરનારાઓ માટે ડેડલાઇન રજૂ કરી છે, જો તમે સમયમર્યાદા પહેલા ટેક્સ નહીં ભરો તો તમારે પેનાલ્ટી અચૂક ભરવી પડશે.