તમારા કામનું / સરકારી નોકરીની ઊજળી તક: ITBP માં હેડકૉન્સટેબલ માટે બમ્પર ભરતી, 12મું કરેલા ભરી શકશે ફૉર્મ

• ITBPમાં આવી ભરતી, ટોટલ 248 પોસ્ટ 
• ઉમેદવારે ઓનલાઈન અરજી કરવાની રહેશે 
• 12 પાસ વિદ્યાર્થીઓ અરજી કરી શકે છે  

ITBPમાં 12 પાસ માટે ભરતી 

સરકારી નોકરીની તૈયારી કરતા ઉમેદવારો એક માટે સારા સમાચાર છે. ઈન્ડો-તિબેટીયન બોર્ડર પોલીસ ફોર્સ (ITBP) એ હેડ કોન્સ્ટેબલ 2022 ની ભરતી માટે નોટીફિકેશન આપ્યું છે. આ ભરતીમાં આઈટીબીપીમાં 200થી વધુ હેડ કોન્સ્ટેબલની ભરતી કરવામાં આવશે. ઈચ્છુક અને યોગ્ય ઉમેદવારો આઇટીબીપીની  અધિકારીક વેબસાઇટ recruitment.itbpolice.nic.in પર જઇને ઓનલાઇન અરજી કરી શકે છે. ઓનલાઇન અરજીઓ 08 જૂનથી શરૂ થશે અને 07 જુલાઇ સુધી ચાલુ રહેશે. 
 
જગ્યાઓની જાણકારી 
હેડ કોન્સ્ટેબલ (Combatant Ministerial) પુરુષ - 135 જગ્યાઓ
હેડ કોન્સ્ટેબલ (Combatant Ministerial) મહિલા - 23 જગ્યાઓ
હેડ કોન્સ્ટેબલ (Combatant Ministerial) LDCE - 90 જગ્યાઓ
ટોટલ જગ્યાઓની સંખ્યા - 248 

શૈક્ષણિક લાયકાત 
હેડ કોન્સ્ટેબલ (પુરુષ-મહિલા)ની જગ્યાઓ માટે ઉમેદવારે યોગ્ય માન્યતા પ્રાપ્ત બોર્ડમાંથી ધોરણ 12ની (ઇન્ટરમીડીયેટ) પરિક્ષા પાસ કરેલ હોવી જોઈએ . આ સિવાય તમરી હિંદી ભાષા ટાઈપીંગ સ્પીડ 35 વર્ડ પર મિનીટ અને અંગ્રેજી માં ૩૦ વર્ડ પર મિનીટ હોવી જરૂરી છે જયારે હેડ કોન્સ્ટેબલ LDCE માટે ખાલી ITBP માં કાર્યરત કર્મચારી જ ફોર્મ ફરી શકશે. વધુ જાણકારી માટે ભરતીનું નોટીફિકેશન ને ધ્યાનથી વાંચવું. 

ઉમર મર્યાદા 
યોગ્ય ઉમેદવારોની વયમર્યાદા 01 જાન્યુઆરી 2022 ના રોજ ઓછામાં ઓછી 18 વર્ષ હોવી જોઈએ. ડાયરેક્ટ માટેની મહત્તમ વય મર્યાદા 25 વર્ષ છે જ્યારે એલડીસીઇ માટેની માટેની મહત્તમ વય મર્યાદા ૩૫ વર્ષ છે. અનામત વર્ગના ઉમેદવારોને સરકારના માપદંડ મુજબ મહત્તમ વયમર્યાદામાં છૂટછાટ આપવામાં આવી છે. સત્તાવાર નોટીફીકેશનમાં સંપૂર્ણ માહિતી ચકાસી શકો છો. 

પસંદગી પ્રક્રિયા
ITBPમાં ફિઝિકલ એફિશિયન્સી ટેસ્ટ (PET) અથવા ફિઝિકલ સ્ટાન્ડર્ડ ટેસ્ટ (PST), લેખિત પરીક્ષા, સ્કીલ ટેસ્ટ, ડોક્યુમેન્ટ  ચકાસણી અને મેડીકલ ટેસ્ટના આધારે પસંદગી કરવામાં આવશે. જેમાં ડોક્યુમેન્ટેશન અને મેડિકલ તપાસ સામેલ હશે.

અરજી ફી
જનરલ, ઓબીસી, ઇડબ્લ્યુએસ કેટેગરીના ઉમેદવારોએ 100 રૂપિયાની અરજી ફી ચૂકવવી પડશે. આ સાથે જ એસસી, એસટી અને મહિલા ઉમેદવારો પાસેથી કોઈ પણ પ્રકારની પ્રકારની અરજી ફી લેવામાં આવશે નહીં. ડેબિટ કાર્ડ, ક્રેડિટ કાર્ડ, નેટ બેન્કિંગ અથવા ઇ-ચલણ દ્વારા ઓનલાઇન અરજી ફીની ચુકવણી કરી શકાય છે.