VIDEO / ગિટારની ધૂન પર ગીત ગાતા ITBPના જવાનોને સાંભળી તમે પણ થઇ જશો Afreen, વીડિયોએ મચાવી ધૂમ

• ITBPના જવાનોએ ગાયું આફરીન... આફરીન...
• કોક સ્ટુડિયો સીઝન 9 માં ગવાયેલું ગીત બધાનું લોકપ્રિય
• ગિટારની ધૂન અને મીઠો અવાજ તમને મંત્રમુગ્ધ બનાવી દેશે

કોક સ્ટુડિયોના ગીતોનો ક્રેજ 
સંગીતના શોખીનને કોક સ્ટુડિયોના ગીતો જરૂર ગમતા જ હશે. તાજેતરમાં જ કોક સ્ટુડિયો સીઝન 14 નું એક ગીત પસૂરી લોકોના દિલ અને દિમાગથી છવાઈ ગયું હતું. અત્યારે પણ આ ગીત લોકોના મનમાં અને હોઠોમાં રહે છે. આ ઉપરાંત કોક સ્ટુડિયોના આવા અનેક ગીતો છે, જે જૂના હોવા છતાં લોકો ગણગણતા સંભળાય છે. આવું જ એક ગીત છે આફરીન... આફરીન... જે લોકોને એટલું બધું ગમે છે કે લોકોને આ ગીત ઘણી વાર સાંભળવું ગમે છે. આ ગીતને રાહત ફતેહ અલી ખાન અને મોમિના મુસ્તાહસને કોક સ્ટુડિયો સીઝન 9 માં ગાયું હતું. લોકો પર આ ગીતનો ક્રેઝ આજે પણ એટલો જ છે.

गाते गुनगुनाते हिमवीर
Afreen afreen...
Constable Vikram Jeet Singh of ITBP sings. Constable A Neli strums the Guitar.#Himveers pic.twitter.com/p69oxBe6us

— ITBP (@ITBP_official) June 30, 2022

ITBP ના જવાનનો મધુર અવાજ 
હવે આ જ ગીતને ઇન્ડો-તિબેટિયન બોર્ડર પોલીસ (ITBP)ના બે જવાનોએ ગિટારની ધૂન પર સુંદર રીતે ગાયું છે. આ વીડિયો સોશિયલ મીડિયા પર ઝડપથી વાયરલ થઇ રહ્યો છે. આ ગીત શીખ કોન્સ્ટેબલ વિક્રમ જીત સિંહે પોતાના સુરીલા અવાજમાં ગાયું છે, જ્યારે કોન્સ્ટેબલ વિક્રમ જીત સિંહે તેમની બાજુમાં ઉભા રહીને ગિટાર પર ગીતની ધૂન વગાડી છે.

સંભાળીને તમે પણ ડૂબી જશો સૂરમાં
કોન્સ્ટેબલ વિક્રમ જીતે આ ગીત એટલા સુંદર અને મધુર અવાજમાં ગાયું છે કે તમે બધું ભૂલીને ગીતમાં ખોવાઈ જશો. તમારા મનમાં પણ આ જ વાત આવશે કે તેઓએ ઇન્ડિયન આઇડલમાં જવું જોઇએ. આ વીડિયોને આઈટીબીપીના ટ્વિટર પેજ પર શેર કરવામાં આવ્યો છે. આ વીડિયોને અત્યાર સુધી 2 હજારથી વધુ વખત જોવામાં આવ્યો છે. લોકો આ હિમવીરોની આ પ્રતિભાના ચાહક બની ગયા છે. દરેક જણ કોમેન્ટ કરી રહ્યા છે અને તેમની પ્રશંસા કરી રહ્યા છે.