વીડિયો / દુનિયાભરમાં કોરોના વાયરસના ફફડાટ વચ્ચે અહીં જીવન જીવવાનો જુસ્સો એવો કે બાલ્કની પર ગાવા લાગ્યા દેશભક્તિનું ગીત

• ભારત સહિત આખી દુનિયા કોરોના વાયરસના ઝપેટમાં છે
• ઇટાલીમાં આ વાયરસના સંક્રમણથી શુક્રવારે 250 લોકોના મોત થઇ ગયા છે
• ઇટાલીમાં કોરોના વાયરસના સંક્રમણના કુલ 17,660 કેસ નોંધાયા છે

મહેશ ભટ્ટ દ્વારા શૅર કરવામાં આવેલા આ વીડિયોમાં જોઇ શકાય છે કે ઇટાલીના લોકો પોતાની બાલ્કનીમાં ઉભા રહીને દેશભક્તિ ગીત ગાઇ રહ્યા છે. મહેશ ભટ્ટે આ વીડિયો શૅર કરી લખ્યું, ત્યાં કોઇ અંત નથી. કોઇ શરૂઆત નથી. માત્ર જીવન જીવવાનો જુસ્સો છે. 

There is no end. There is no beginning. There is only the passion of life.” –Federico Fellini, Italian Film Director 🌈 https://t.co/QVDa3W5bX3

— Mahesh Bhatt (@MaheshNBhatt) March 14, 2020

મહેશ ભટ્ટે આ વીડિયોને શૅર કરી એમ પણ જણાવ્યું કે આ લાઇન ઇટાલીના ફિલ્મ ડાયરેક્ટર ફેડેરિકો ફેલિનીની છે. સોશિયલ મીડિયા પર આ વીડિયોને જોયા બાદ રસપ્રદ રિએક્શન મળી રહ્યા છે. 

નોંધનીય છે કે, ઇટાલીમાં આ વાયરસના સંક્રમણથી શુક્રવારે 250 લોકોના મોત થઇ ગયા છે. સત્તાવાર આંકડા અનુસાર કોરોના વાયરસથી ઇટાલીમાં એક દિવસમાં થનારા મોતનો આ સૌથી મોટો આંકડો છે. ગત 24 કલાકમાં 250 લોકોના મોત થયા છે. આમ મૃત્યુ પામનાર લોકોની કુલ સંખ્યા 1,266 થઇ ગઇ છે. ઇટાલીમાં કોરોના વાયરસના સંક્રમણના કુલ 17,660 કેસ નોંધાયા છે.