ઈટલી / 100 ટાપુઓથી બનેલાં વેનિસમાં 50 વર્ષની સૌથી મોટી ભરતી, શહેર પાણીમાં ડૂબ્યું

• મેયરે સરકારને ઈમરજન્સીની ઘોષણા કરવા વિનંતી કરી 
• વેનિસનાં પ્રવાસન સ્થળો પાણીમાં ગરકાવ 
• સેંટ માર્ક્સ સ્ક્વેયર અને બેસિલિકામાં પાણી ઘૂસ્યું 

સરકારથી ઈમરજન્સીની ઘોષણા કરવા વિનંતી કરીશું : મેયર 

અધિકારીઓ અનુસાર મંગળવારે રાતે છ ફૂટ ઊંચ મોજાં ઉછળ્યા હતા. 1966માં પણ આ જ પ્રકારે સમુદ્રમાં મોટા-મોટા મોજાં ઉછળ્યા હતા. આટલા ઉચાં મોજાં ઉછળતા શહેરનું સેંટ માર્ક્સ સ્ક્વેયર અને બેસિલિકા પણ પાણીમાં ગરકાવ થઈ ગયા. વેનિસનાં મેયરે કહ્યું કે અમે સરકારને મદદ કરવા માટે વિનંતી કરી છે.અમારે ખુબ જ ધનની જરૂર પડશે. આ બધું જ ગ્લોબલ વોર્મિંગનું પરિણામ છે. અમે સરકારને આ ક્ષેત્રમાં ઈમરજન્સીની ઘોષણા કરવા પણ કહીશું. 

ગ્લોબલ વોર્મિંગ રીપોર્ટ મુજબ દરવર્ષે વેનિસ 0.8થી 1 મીમી સુધી ડૂબી રહ્યું છે. ભૂમધ્ય સાગરમાં જળસ્તર 140 સેમી સુધી વધી ગયું છે. જો આમ જ ચાલતું રહેશે તો ઇટાલીનો 176 મિલ લાંબો સમુદ્ર તટ સંપૂર્ણ રીતે ડૂબી જશે.  

80 ટકા વિસ્તારમાં પાણી ઘુસી ગયું

જયારે સ્થાનિકોએ સફાઈ અભિયાન શરુ કર્યું હતું ત્યાં અમુક પ્રવાસીઓ આફત સમયે પણ મનોરંજન કરતા નજરે પડ્યા હતા. સેંટ માર્ક્સ સ્ક્વેયર પાસે એક માણસે નગ્ન અવસ્થામાં પૂરનાં પાણીમાં તરતો વિડીયો ઉતાર્યો હતો. વેનિસમાં જ્યારે સમુદ્રમાં ભરતી આવી ત્યારે 80 ટકા વિસ્તારમાં પાણી ઘુસી ગયું હતું.