Italy Selfie Ban: જો તમે ઇટલી ફરવા ગયા હોય તો ભૂલથી આ શહેરમાં સેલ્ફી લેવાનો પ્રયત્ન ના કરતાં નહીં તો ભરવો પડે મોટો દંડ...વાંચો વિગત
ઈટલીના પોર્ટોફિનો શહેરમાં સેલ્ફી લેવા પર પ્રતિબંધ મુકવામાં આવ્યો
પ્રવાસીઓને તસવીરો લેવાથી રોકવા માટે નો-વેઇટિંગ ઝોનની શરુઆત
આ નિયમો દરરોજ સવારે 6 વાગ્યાથી સાંજના 6 વાગ્યા સુધી અમલમાં રહેશે
Italy Selfie Ban: અત્યારે દરેક વ્યક્તિ પાસે સ્માર્ટફોન હોય છે, અને તેઓ કોઇપણ નવી જગ્યાએ જાય કે તૈયાર થાય એટલે પોતાના ફોનમાં સેલ્ફી લે છે. ખાસ કરીને ફરવા જાય ત્યારે તો ખાસ સેલ્ફી લે છે. પરંતુ જો તમે ખબર પડે કે કોઇ સ્થળે તમે ફરવા ગયા છો અને ત્યાં સેલ્ફી લેવાની મનાઇ છે તો? તો આવી જગ્યાએ સેલ્ફી લેવી તમને ભારે પડી શકે છે? આ માટે તમારે ભારે દંડ પણ ભરવો પડી શકે છે. ઈટલીના એક શહેરે આવો જ નિર્ણય લેવામાં આવ્યો છે. ઈટલીના પોર્ટોફિનો શહેરમાં સેલ્ફી લેવા પર પ્રતિબંધ મુકવામાં આવ્યો છે.
મીડિયા રિપોર્ટ અનુસાર, જો તમે એવા લોકોમાંથી એક છો કે જેઓ રજાઓ પર ઘણી બધી તસવીરો અને સેલ્ફી લેવાનું પસંદ કરો છો, તો ભવિષ્યમાં તમારા માટે પોર્ટોફિનો મુલાકાત લેવા માટે સારી જગ્યા નથી. ઇટાલિયન રિવેરા પરના શહેરે લોકપ્રિય સૌંદર્ય સ્થળો પર પ્રવાસીઓને તસવીરો લેવાથી રોકવા માટે નો-વેઇટિંગ ઝોનની શરુઆત કરી છે.
હવે નો-વેઈટિંગ ઝોનમાં લાંબા સમય સુધી રોમિંગ કરવા પર 275 યુરો (લગભગ 25 હજાર રૂપિયા) સુધીનો દંડ થઈ શકે છે. જેમાં સૌથી વધુ ફોટોજેનિક હોટસ્પોટ્સનો સમાવેશ થાય છે. આ પગલું એટલા માટે લેવામાં આવ્યું છે કારણ કે આ વિસ્તારો ખૂબ જ વ્યસ્ત બની ગયા છે, જ્યાં તહેવારોની સિઝનમાં ઘણા લોકો સમય પસાર કરવા આવે છે.
આ લોકપ્રિય દરિયાકાંઠાના નગર માછીમારી કમ્યુન તેના રંગબેરંગી ઘરો માટે જાણીતું છે જે સમુદ્ર તરફ નજર રાખે છે. પોર્ટોફિનોના મેયર માટ્ટેઓ વાયકાવાએ દાવો કર્યો કે, પ્રવાસીઓ ફોટોગ્રાફ લેવા માટે રોકાતા હોવાથી 'અરાજકતા' પેદા થઇ હતી. જેના કારણે ભારે ટ્રાફિક જામ થવા લાગ્યો હતો.
નિયમો સૌપ્રથમ ઇસ્ટર વીકએન્ડ માટે અમલમાં આવ્યા, જ્યારે પોર્ટોફિનો પ્રવાસીઓથી ભરચક હતો. પરંતુ આ નિયમો ઓક્ટોબર સુધી અમલમાં રહેશે. ઉનાળાના મહિનાઓમાં શહેરને મોટી સંખ્યામાં પ્રવાસીઓની અપેક્ષા હોવાથી, આ નિયમો દરરોજ સવારે 6 વાગ્યાથી સાંજના 6 વાગ્યા સુધી અમલમાં રહેશે.
ઉલ્લેખનીય છે કે, પોર્ટોફિનો એકમાત્ર એવી જગ્યા નથી જ્યાં સેલ્ફી પર પ્રતિબંધ છે. યુનાઇટેડ સ્ટેટ્સ, ફ્રાન્સ અને યુકેમાં પણ કેટલાક સ્થળોએ આ નિયમો છે. ન્યુ યોર્ક અને કેલિફોર્નિયા બંનેએ કાયદા દ્વારા લોકોને પ્રાણી સંગ્રહાલય અને તે વિસ્તારોમાં સેલ્ફી લેવા પર પ્રતિબંધ મૂક્યો છે. સુરક્ષાના કારણોસર, ટાવર ઓફ લંડનના અમુક વિસ્તારોમાં સેલ્ફી લેવા પર પ્રતિબંધ છે, જેમાં મુકુટ અને અન્ય ઘરેણાં રાખવામાં આવે છે.