Coronavirus / ઈટલીમાં કોરોનાને લીધે એક જ દિવસમાં 1 હજારના મોત નિપજ્યા, ઈટલી વિશ્વમાં બીજા નંબરે

• ઈટલીમાં કોરોના વાયરસ અટકાનું નામ જ નથી લઈ રહી. 
• ઈટલીમાં કોરોના વાયરસના કેસના 86,498 થઈ ચૂક્યા છે
• ઈટલીમાં 9,134 લોકોના મોત નિપજ્યા છે. 

ઈટલીમાં કોરોના વાયરસનો કહેર સૌથી વધારે છે. ઈટલી સિવાય યૂરોપના બ્રિટન, સ્પેન, જર્મની જેવા દેશો પણ આ મહામારીની બિમારીની ઝપેટમાં આવ્યા છે. સમગ્ર યૂરોપમાં કોરોના વાયરસનો કહેર ફેલાયો છે. ખાલી ઈટલીમાં 86,498 કેસ નોંધાયા છે. ઈટલીમાં આ પહેલા ગુરુવારે 712, બુધવારે 683, મંગળવારે 743 અને સોમવારે 602 લોકોના મોત નિપજ્યા છે.  

વિશ્વમાં કોરોના વાયરસને કારણે 596,779 લોકો સમક્રમિત

દુનિયામાં 596,779 લોકો કોરોના ગ્રસ્ત છે. જ્યારે અત્યાર સુધીમાં 27,352 લોકોના મોત થઈ ચૂક્યા છે. જેની સામે 133,355 લોકો સાજા થઈ ગયા છે. ચીન બાદ યૂરોપમાં કોરોનાનો કહેર વધી રહ્યો છે. સ્પેનમાં છેલ્લા 24 કલાકમાં 769 લોકોના મોત નિપજ્યા છે. સ્પેનમાં આ એક દિવસમાં સૌથી વધારે મોત થયા છે. સ્પેનમાં કોરોના વાયરસની સંખ્યામાં 8000 નવા કેસ સામે આવ્યા છે. જેને કારણે અહી કોરોના વાયરસના કેસની સંખ્યા 65719 થઈ છે. અમેરિકામાં 24 કલાકમાં 18000 લોકો કોરોના વાયરસની ઝપેટમાં આવી ગયા છે. અહીં કુલ કેસ 104, 142 સુધી પહોંચ્યા છે.

ભારતમાં પણ કેસની સંખ્યા વધી રહી છે.

ભારતમાં 24 કલાકમાં 75 નવા કેસ સામે આવ્યા છે જ્યારે 4 લોકોના મોત નિપજ્યા છે. કોરોના વાયરસના કેસની સંખ્યા ભારતમાં 887 થઈ ગઈ છે. જ્યારે અત્યાર સુધીમાં 20 લોકોના મોત નિપજ્યા છે. ભારતના 27 જેટલા રાજ્યો તેમજ ગોવા અને અંદમાન-નિકોબાર જેવા કેન્દ્ર શાસિત પ્રદેશોમાં પણ કોરોનાનો કહેર ફેલાયો છે.