મહામારી / ઈટાલીથી આવ્યા સારા સમાચાર, 101 વર્ષીય વૃદ્ઘ કોરોનાને હંફાવી સાજા થયા

• ઈટાલીના રિમીનીમાં 101 વર્ષનાં  વયોવૃદ્ધ વ્યક્તિએ કોરોનાને હાર આપી 
• આ પહેલાં ચીનમાં પણ 103 વર્ષનાં દાદીએ કોરોનાને હાર આપી હતી
• ઈટાલીમાં કોરોના વાયરસના હાહાકાર વચ્ચે સારા સમાચાર 

કોરોના વાયરસના કારણે હજારો લોકોએ પોતાના જીવ ગુમાવ્યા છે. પરંતુ ઈટાલીના રિમીનીમાં 101 વર્ષનાં  વયોવૃદ્ધ વ્યક્તિ કોરોનાવાઈરસના ચેપમાંથી સંપૂર્ણપણે સાજા થઈ ગયા છે. કોરોના વાયરસને હાર આપ્યા બાદ હવે તમને ઘરે જવા માટે રજા પણ આપી દેવામાં આવી છે. કોરોના વાયરસ સામે જીંદગીની જંગ જીતનાર વિશ્વનાં સૌથી વયોવૃદ્ધ લોકોની યાદીમાં તે સામેલ થઇ ગયા છે. 

કોરોના વાયરસને હાર આપવાના આ સમાચાર વિશ્વભરમાં એક ચમત્કારનાં રૂપમાં જોવામાં આવી રહ્યા છે. ઈટાલિયન મીડિયા દ્વારા આ વ્યક્તિને મિ. P નામ આપવામાં આવ્યું છે. ગયા અઠવાડિયે જ તેઓ કોરોના વાયરસથી પીડિત થયા હતા જે બાદ હોસ્પિટલમાં લાવવામાં આવ્યા હતા. ઈટાલી સહીત વિશ્વમાં જેટલા પીડિતો છે તેમાં મોટે ભાગે વૃદ્ધ દર્દીઓ બચી શકતા નથી.  

નોંધનીય છે કે આ પહેલાં ચીનમાં 103 વર્ષનાં કોરોના સર્વાઈવરે મહામારીને મ્હાત આપી હતી. ચીનના વુહાનમાં 103 વર્ષનાં દાદીએ માત્ર એક જ અઠવાડિયામાં કોરોના વાયરસને હરાવી પાછા બેઠા થઇ ગયા હતા. તેમને કોરોના સિવાય પણ ગંભીર બીમારીઓ હતી છતાં તે આ જંગમાં સફળ રહ્યા. સાઉથ કોરિયામાં પણ 97 વર્ષનાં દાદી પણ કોરોના વાયરસને હરાવી સાજા થઇ પરત ફર્યા હતા.