Coronavirus / આ દેશે રાષ્ટ્ર ધ્વજ અડધે કાઠીએ ફરકાવી શોક દિન મનાવી મૃતકોને આપી શ્રદ્ધાંજલિ

• ઈટલીમાં શોક દિવસ મનાવવામાં આવ્યો
• 12 વાગ્યે 2 મિનિટ માટે મૌન રાખી તમામ મૃતકોને શ્રદ્ધાંજલી આપવામાં આવી
• ‘હમ સબ સાથ હૈ’ના સૂત્રોચ્ચાર પણ કરવામાં આવ્યા 

ઈટલીમાં શુક્રવારે 1000 જેટલા લોકો મર્યા હતા. જે અત્યાર સુધીમાં ઈટલીનો સૌથી મોટો આકડો હતો એ બાદ આ આંકમાં ઘટાડો જોવા મળ્યો છે. તેમ છતાં છેલ્લા 24 કલાકમાં 837 લોકોના મોત નિપજ્યા છે. જ્યારે 4053 નવા કેસ નોંધાયા છે. અત્યાર સુધીમાં ઈટલીમાં 12428 લોકોના મોત નિપજ્યા છે. જ્યારે 105792 કેસ નોંધાયા છે. જ્યારે 15729 લોકો સાજા થયા છે. હાલ ઈટલીમાં 77 635 એક્ટિવ કેસ છે.  જેને પગલે તેને લોકડાઉનનો સમય તો વધારવો પડ્યો છે. 

ઈટલીમાં શોક દિવસ મનાવવામાં આવ્યો

ધ નેશનલ અસોસિએશન  ઓફ ઈટાલિયન મ્યુનિસિપાલિટીએ મંગળવારે ઈટલીમાં શોક દિવસ મનાવ્યો છે. આ દરમિયાન સ્કુલો, હોસ્પિટલો, સરકારી ઓફિસોમાં રાષ્ટ્રીય ધ્વજ અડધે ફરકાવ્યો હતો. બપોરે 12 વાગ્યે 2 મિનિટ માટે મૌન રાખી તમામ મૃતકોને શ્રદ્ધાંજલી આપવામાં આવી હતી.  સંકટના સમયે ‘હમ સબ સાથ હૈ’ના સૂત્રોચ્ચાર પણ કરવામાં આવ્યા હતા. આ સમય બહું નાજુંક સ્થિતિમાંથી પસાર થઈ રહ્યો છે. ઈટલીમાં મોતને ભેટનારાઓમાં  63 ડૉક્ટરોનો પણ સમાવેશ થયો છે.