Coronavirus / આ દેશની સરકાર મુંઝવણમાં, પ્રજાને કોરોનાથી બચાવે કે ઘરમાં રહેવાને કારણે વધેલી આ ઘટનાઓથી

• ઈટલીમાં 29 દિવસથી લોકડાઉનને લીધે દેશની સ્થિતિ દયનીય બની
• લોકડાઉન દરમિયાન ઘરેલું હિંસાના કેસ વધ્યા
• 30થી 40 વર્ષની લગભગ 70 મહિલાઓએ ફરિયાદ કરી

પીદોના જણાવ્યાનુંસાર સામાન્ય દિવસોમાં આટલી ફરિયાદો નથી આવતી. ઘરેથી ઓનલાઈન કામ કરી રહેલી મહિલાઓ પર જવાબદારીનો ભાર વધી રહ્યો છે. જેમાં હતાશા, નિરાશા તથા થાક જેવી સમસ્યાઓ વધી રહી છે. 

જે પરિવારોમાં પહેલા તણાવ હતો ત્યાં સ્થિતિ વધારે ખરાબ થઈ રહી છે. મહિલાઓ પહેલા જરુર હોય તો સરકારી મદદ લેતી હતી. જે ત્યારે શક્ય નથી કેમ કે લોકડાઉનને લીધે મહિલાઓ ઘરમાં રહેવા માટે મજબૂર છે.

સરકારે એપ શરુ કરી

ઘરેલુ હિંસાની વધતી ફરિયાદોને જોતા ઈટલી સરકારે યૂપોલ (YouPol) એપ લોન્ચ કરી છે. જેમાં કોઈ પણ પીડિત ફરિયાદ દાખલ કરાવી શકે છે. આ ઉપરાંત ફોન પર કાઉન્સેલિંગ કરવામાં આવી રહ્યું છે. 

પીએમએ કહ્યું છે કે લાંબા સમય સુધી લોકડાઉન માટે તૈયાર રહે નાગરિકો

ઈટલીમાં વધી રહેલા કોરોના વાયરસના કહેરને પગલે દેશના પ્રધામંત્રી ગિઉસેપ કોન્ટેની સરકારે કહ્યું છે કે ઈટલીના નાગરિક ઘણા લાંબા સમય સુધી લોકડાઉનમાં રહેલા માટે તૈયાર રહે.  સરકારે કહ્યું કે , આર્થિક પડકારો અને દૈનિક જીવનની સમસ્યાઓ છતા અહીં લોકડાઉન ધીરે ધીરે હટાવવામાં આવશે. 

ઉલ્લેખનીય છે કે ઈટલીમાં હાલને જોતા લોકડાઉનને લંબાવવામાં આવ્યું છે. એક ન્યૂઝ એજન્સીના જણાવ્યા મુજબ આ ઓછામાં ઓછુ 12 એપ્રિલ સુધી ચાલશે. ઈટલીમાં 24 લોકોના 812 લોકોના મોત નિપજ્યા હતા. જેને પગલે મૃત્યુઆંક 11,591પહોંચ્યો હતો. ત્યારે ઈટલીમાં કુલ 101739 કુલ લોકો કોરોના ગ્રસ્ત છે. અહીંના પ્રધાનમંત્રી ગ્યૂસેપ કોન્તેની સરકારે ઈટલી વાસિઓને બહું લાંબા સમય સુધી લોકડાઉનમાં રહેવા કહ્યું છે. સરકારે રવિવારે કહ્યું કે દેશ આર્થિક સંકળામણથી પસાર થઈ રહ્યો છે. જોકે લોકડાઉન ધીરે ધીરે  હટાવવામાં આવશે. આ સંદેશ ત્યારે આપવામાં આવ્યો છે જ્યારે ઈટલીમાં કોરોનાની અસર ઓછી થઈ રહી છે. ઈટલીમાં એક દિવસમાં 756 લોકોના મોત નિપજ્યા હતા. જે શુક્રવારે 969 થી ઓછા હતા.