ઈટલીનું કલૈબ્રિયા ક્ષેત્ર લોકોને અહીં રહેવા માટે 28 હજાર યુરો એટલે કે લગભગ 24.76 લાખ રૂપિયા આપશે.
ઈટલીના અમુક ગામોમાં રહેવા માટે મળશે પૈસા
અહીંની ઓછી જનસંખ્યા છે મુશ્કેલી
75 ટકાથી વધુ વિસ્તારમાં હાલમાં 5000થી ઓછા લોકો
દુનિયાભરમાં ઘણા શહેરોમાં સતત વધતી જનસંખ્યાના કારણે જીવન જરૂરીયાતની વસ્તુઓ ખૂબ મોંઘી થઈ ગઈ છે અને લોકોને રહેવા માટે હજારો રૂપિયા ખર્ચ કરવા પડે છે. જોકે આ વચ્ચે ઈટલીના અમુક ગામ એવા પણ છે જે ત્યાં રહેવા માટે લોકોને પૈસા આપે છે.
ઈટલીનું કલૈબ્રિયા ક્ષેત્ર લોકોને અહીં રહેવા માટે 28 હજાર યુરો એટલે કે લગભગ 24.76 લાખ રૂપિયા આપશે. જોકે ત્યાં રહેવા માટે લોકોએ તેમની અમુક શરતો માનવી પડશે. એક રિપોર્ટ અનુસાર ઈટલીના કલેબ્રિયા ક્ષેત્રમાં રહેવા માટે વય મર્યાદા નક્કી કરવામાં આવી છે અને તેના માટે આવેદન કરનાર લોકોની ઉંમર 40 વર્ષથી વધુ ન હોવી જોઈએ.
અરજી કર્યા બાદના 90 દિવસની અંદર આ શરત પુરી કરવી પડશે
જનસંખ્યાની સમસ્યા સામે ઝઝૂમી રહેલા કલેબ્રિયા ક્ષેત્રમાં અર્થવ્યવસ્થાને આગળ વધારવા માટે નવો વ્યવસાય શરૂ કરવાનો રહેશે. જે લોકો અહીં શિફ્ટ થવા માંગે છે તેમણે પોતાની અરજી કર્યા બાદના 90 દિવસની અંદર આ શરત પુરી કરવાની રહેશે.
ઈટલિનું કલેબ્રિયા ક્ષેત્રમાં જનસંખ્યા ખૂબ જ ઓછી છે અને હાલ આ ક્ષેત્રના 75 ટકાથી વધુ વિસ્તારમાં હાલમાં 5000થી ઓછા લોકો રહી રહ્યા છે. પાછલા અમુક વર્ષોમાં જનસંખ્યાની સમસ્યાનો સામનો કરી રહેલા ઈટલીના ઘણા શહેરોએ ઓછા ભાવમાં ઘર આપવાની રજૂઆત કરી છે. આ વર્ષે ઈટલીના બેસિલિકાટામાં લોરેનઝાના શહેરમાં 1 યુરોમાં ઘર વેચાઈ રહ્યા હતા.
રિપોર્ટ અનુસાર આ ઓફર માટે આવેદન પ્રક્રિયા અમુક અઠવાડિયામાં કલેબ્રિયાની વેબસાઈટ પર શરૂ કરવામાં આવી શકે છે. આ ઉપરાંત વધુ જાણકારી માટે ઓફિશ્યલ વેબસાઈટ પર ચેક કરી શકાય છે.