કોરોના વાયરસ / રાજસ્થાનના જયપુરનો યુવક કોરોના વાયરસની ઝપેટમાં ? શું ભારતમાં કોરોનાની સંખ્યા વધી રહી છે?

• રાજસ્થાનના જયપુરના યુવકને કોરોના વાયરસનો શંકાસ્પદ કેસ
• ઇટલીથી આવેલા જયપુરનો વ્યક્તિ કોરોનાથી સંક્રમિત
• અત્યાર સુધીમાં ભારતમાં કુલ 5 લોકોને કોરોના વાયરસ

કોરોના વાયરસ આખી દુનિયામાં ધીરે-ધીરે ફેલાઇ રહ્યો છે. ત્યારે હવે ભારતમાં કોરોના વાયરસ (Coronavirus)ના 2 પોઝિટિવ કેસ સામે આવતા ખળભળાટ મચી ગયો છે. એક કેસ નવી દિલ્હીમાં જોવા મળ્યો છે. જ્યારે બીજો કેસ તેલંગાણામાં સામે આવ્યો છે. હાલ બંને દર્દીઓની સારવાર ચાલી રહી છે. સ્વાસ્થ્ય વિભાગ અનુસાર બંનેની હાલત સ્થિર છે. ત્યારે આજે વધું એક નવો શંકાસ્પદ કેસ જયપુર રાજસ્થાનમાં નોંધાયો છે. એમ હાલમાં 2 નવા કેસ નોંધાયા છે. 

દિલ્હીમાં જે વ્યક્તિ કોરોનાગ્રસ્ત છે જે ઈટલીનો પ્રવાસ કરીને આવ્યો હતો. જ્યારે તેલંગાણામાં જે વ્યક્તિ કોરોના ગ્રસ્ત છે તે દુબઈ પ્રવાસથી આવ્યો હતો. જ્યારે જયપુરમાં એક વ્યક્તિમાં કોરોના વાયરસના શંકાસ્પદ લક્ષણો જણાતા તેના સેમ્પલ લેવામાં આવ્યાં છે તેમજ હાલ તેને સારવાર હેઠળ રાખવામાં આવ્યો છે. તે કોરોના ગ્રસ્ત છે કે કેમ તે રિપોર્ટ આવ્યા બાદ ખ્યાલ આવશે.

ઉલ્લેખનીય છે કે સરકારે કોરોના વાયરસ માચે એક હેલ્પ લાઈન નંબર 011-23978046  જાહેર કર્યો છે. જેમાં 6300 ફોન આવ્યા છે. એટલું જ નહીં સરકારે એક ઈ-મેઈલ આઈડી [email protected] જાહેર કર્યુ છે. તેના પર અત્યાર સુધીમાં 900 જેટલા મેઈલ આવ્યાં છે. સરકારે ઈરાન, ઈટલી, દ. કોરિયા , અને સિંગાપુર ન જવા લોકોને સલાહ આપી છે. નોંધનીય છે કે 69 દેશોમાં કોરોના ફેલાઈ ચૂક્યો છે.