Coronavirus / કેરળમાં ઈટલીના યુવકે કોરોના સામે જંગ જીતી, કહ્યું ભારતના પ્રેમમાં પડી ગયો, નહીં ભૂલી શકું ક્યારેય

• રોબર્ટે કહ્યુ હું ભારતના પ્રેમમાં પડ્યો છું, આવતા વર્ષે ફરી આવીશ
• રોબેર્ટના સંપર્કમાં 126 લોકો આવ્યા હતા
• તેણે ડોક્ટરો અને નર્સોનો નોટ લખી આભાર માન્યો

ઈટલીનો 57 વર્ષીય રોબર્ટ ટોમાર્સો કોરોના ગ્રસ્ત થયો હતો. જે કોરોના સામે જંગ જીતી જતા કેરળ સરકારનો આભાર માન્યો હતો. રોબર્ટ 13 માર્ચે પોઝિટિવ આવ્યો હતો.  તેણે કહ્યું કે ડોક્ટરો અને નર્સોએ મારી સારી રીતે દેખરેખ રાખી છે તેમજ સમયસર સારુ જમવાનું આપ્યું છે.

રોબર્ટે કહ્યું હતું કે જે પ્રેમ મને કેરળમાં મળ્યો છે તેને હું નહીં ભૂલી શકુ. કોરોના વાયરસના ગયા પછી આવતા વર્ષે હું ફરી આવીશ. તેણે એક નોટમાં આભાર લખી રાજ્ય તથા હેલ્થ વર્ક્સનો આભાર માન્યો છે. કેરળ ફરવા આવનાર રોબટને કોરોના થતા તેને ભાષાની સમસ્યા આવી હતી. જેથી કોમ્યુનિકેશનમાં તકલીફ પડી હતી.

ઈટાલિયન ટ્રાન્સલેટરની મદદથી એક લિસ્ટ તૈયાર કરવામાં આવી હતા. જેમાં એક રુટ મેપ પણ બનાવવામાં આવ્યો ત્યારે ખબર પડી કે રોબર્ટેના સંપર્કમાં 126 લોકો આવ્યા હતા.  તેની સારવાર તિરુવનંતપુરમની હોસ્પિટલમાં કરવામાં આવી હતી. તેમજ હેલ્પ મિનિસ્ટર કેકે શેલજાએ વીડિયો કોલ કરીને ટોમાસોએ તેમનો પણ આભાર માનતા હેલ્થ વિભાગના વખાણ કર્યા હતા.