ઈટાલીમાં નવી રાષ્ટ્રીય એરલાઈન્સ કંપનીની 50 એરહોસ્ટેસ ચાર રસ્તા પર અચાનક કપડા કાઢીને ઊભી રહી જતા લોકોને ભારે નવાઈ લાગી.
ઈટાલીમાં એરહોસ્ટેસે વિરોધનો અપનાવ્યો અનોખો માર્ગ
50 એરહોસ્ટેસ અચાનક કાઢી નાખ્યા કપડાં
ચારરસ્તા પર કંપનીની સામે કર્યો દેખાવ
પગારમાં કાપ મૂકતા એહોસ્ટેસ નારાજ થઈ હતી
હકીકત એમ છે કે ઈટાલીની નવી એરલાઈન કંપની આઈટીએ એરવેઝે પગારમાં કાપ મૂકી દીધો હતો આનાથી નારાજ થયેલી એરહોસ્ટેસે વિરોધનો આ માર્ગ શોધી કાઢ્યો.
50 એરહોસ્ટેસે બધા કપડા કાઢી નાખ્યા, અંડરવિયરમાં દેખાવ કર્યો
સોમવારે લગભગ 50 એરહોસ્ટેસ કંપનીના ડ્રેસમાં ઓફિસ આવી અને કંપનીની બિલ્ડિંગની બહાર જ બધા કપડા કાઢીને ફક્ત અંડરવિયરમાં કંપની સામે દેખાવ કર્યો હતો. એરહોસ્ટેસનું કહેવું છે કે કંપનીની સફળતા માટે અમે તનતોડ મહેનત કરી અને બદલામાં અમને શું મળ્યું, કંપનીએ અમારા પગારમાં કાપ મૂક્યો અને અમારા કેટલાક કર્મચારીઓને કાઢી મૂક્યા છે.
કંપનીએ પગાર કાપ મૂકતા એરહોસ્ટેસ નારાજ બની
આઈટીએ એરવેઝના એક ફ્લાઈટ અટેન્ડન્ટે જણાવ્યું કે પગાર કાપની સાથે સાથે અમે પ્રમોશન પણ ગુમાવી દીધું છે. અમને પહેલેથી જાણ નહોતી કરવામાં આવી કે અમારી ક્યાં અને ક્યારે કામ શરુ કરવાનું છે. આઈટીએના અધ્યક્ષ આલ્ફ્રેડો અલ્તાવિલાએ હડતાળની ધમકીને રાષ્ટ્રીય શરમની વાત ગણાવી છે. તેમણે કહ્યું કે એરલાઈન્સના કર્મચારીઓ કામકાજના હાલના માહોલથી સંમત છે અને એરહોસ્ટેસે આવું નહોતું કરવું જોઈતું.