કહેવાય છે 'રામ રાખે તેને કોણ ચાખે?'. ખરેખર જેના ઉપર પરમકૃપાળુ પરમેશ્વરની મહેર હોય તેનો કોઈ વાળ પણ વાંકો ન કરી શકે, વડોદરાના ફુલની ફોરમ છેક ઈટલી પહોંચી અને કળિયુગની કર્ણસમી કૃપાલીને મા-બાપ મળ્યા. વડોદરાની કૃપાલીને ઈટાલીના માતા-પિતા મળતા આ ઉક્તી સાચી લાગે છે.
2 વર્ષની કૃપાલીને એક દિવસ એકલી જ મળી આવી હતી. કૃપાલીના નસીબમાં કુદરતે માતા-પિતાનો કે પરિવારનો પ્રેમ નહી લખ્યો હોય પણ વડોદરાના આ નાનકડા ફૂલની ફોરમ છેક ઈટલી પહોંચી હતી અને ઈટલીના દંપત્તીએ તેને પોતાનું સંતાન બનાવવાનું નક્કી કર્યુ હતુ. વડોદરામાં આવેલ રાજ્ય સરકારના સ્પેશિયલ એડોપશન એજેન્સી CARA (Central Adoption Resource Agency) માંથી ઇટાલી ના દંપતીએ 6 વર્ષની બાળકી ને દત્તક લઈ માતા પિતા ની ખોટ પુરી કરી છે.
પિતા તરછોડી હતી કૃપાલીને
6 વર્ષ ની કૃપાલી છેલ્લા 2 વર્ષ થી વડોદરાના સ્પેશિયલ એડોપશન એજેન્સી સેન્ટર માં રહે છે. કૃપાલી ને તેના માતા પિતા એક માર્કેટ માં તરછોડી ને જતાં રહ્યાં હતા. ત્યારબાદ તેનો સહારો સરકારી સંસ્થા બની હતી પણ તેમ છતાં કૃપાલી ને એક માતા પિતા ની ખોટ અનુભવાતી હતી જેને ઇટાલી ના દંપતીએ પુરી કરી છે.
કારા વેબસાઈટ ઉપર રજીસ્ટ્રેશન કરી મેળવી દીકરી
ઇટાલી ના સાયન્ટીસ્ટ વેનચુરા એન્ડ્રીકો અને તેમના પત્નિ માંગી કાતિયા એ ભારત સરકાર ની કારા વેબસાઈટ પર રજીસ્ટ્રેશન કરાવી ભારતમાથી બાળકી દત્તક લેવાની ઇચ્છા વ્યક્ત કરી હતી. જેના આધારે તેમને વડોદરા ની સંસ્થા નો સંપર્ક કરી કૃપાલી ના ફોટા જોઇ તેને દત્તક લેવાની ઇચ્છા વ્યક્ત કરી.
ઈટાલીથી વડોદરા આવ્યુ હતુ દંપત્તી
જેથી બંને પતિ પત્નિ બાળક ના હુંફ માં ઇટાલી થી વડોદરા આવ્યા અને તેઓ સંસ્થા ના લોકો અને બાળકી ને મળ્યા. બાળકી ને દત્તક લેવાની તમામ પ્રક્રિયા પુરી કર્યા બાદ આજે વડોદરા કલેક્ટર શાલિની અગ્રવાલે બાળકી ને ઇટાલી દંપતી ને સોપી હતી. હવે કૃપાલી અનાથ આશ્રમ માથી તેના પોતાના ઇટાલી ના ઘરે જશે. સંતાન વગર ના માતા પિતા બાળકી ને મેળવી ખુબ ખુશ થયા તો બાળકી પણ નવા માતા પિતા મળતા ખુશખુશાલ થઈ છે